 |
Jm fos amors de ioi donar tan laria. Co(n) en uas lei dauer fin cor efranc. i a p(er) gran be nom calgra far embarc. Qeu am tan aut qesp(er)s mi poia emplo(n)ba. E qan malbir co(n) es deprez al som. Molt menam mais qar anc lausei uoler. Qara sai eu qe mos cor emos senz. Me faran far lor grat rica co(n)qesta. Ero sim faz lo(n)c esp(er) nom embaria. Q en tan ric loc me sui mes em estanc. D on li bel dich me tenon de ioi larc. |
 |
O segrai tan qom mi port a la tomba. Q eu no(n) sui ges cel qi lais aur p(er) plom. E pos en leis non tain()g qom ren esmer. T an li serai serz ez obidienz. T ro de samor sil plaz baisan me(n)uesta. A meillz de be ia nom siatz auaria. Qen uostramor mi trobarez tot blanc. Qeu no(n) haicor ni poder qem descarc. Del ferm uoler qe no(n) es de retomba. Q e qan mes ueill ni claus los oillz de son. A uos mautrei qan leu ni uau iazer. E no(n) cugez qes merme mos tale(n)z. N on fara ges qeral sint en latesta. Als lause(n)giers focs las legnas uos aria. O qe p(er)datz ambos los oillz de mal cranc. Qar p(er) uos sonestrait caual emarc. A mor tolez qa pauc del tot no(n) tomba. C onfundaus deus qe ia no(n) sapebatz com. Qals druz uos faitz mal direuil tener. Malastres es qeu ten desconoissenz. Qar peior etz qan hom uos amonesta. |