| I | |
| Bernard E ra non ui luser soleill Tant me sont escurzit li rai Et ges per aizo no mesmai Cuna clartat me soleilla Damor qenz al cor me raia E qant altra gent sesmaia Eu meillor enanz qe sordei Per qe mon chant non sordeia
|
Bernard Era non vi luser soleill, tant me sont escurzit li rai; et ges per aizo no.m esmai, c’una clartat me soleilla d’amor, q’enz al cor me raia; e, qant altra gent s’esmaia, eu meillor enanz qe sordei, per qe mon chant non sordeia. |
| II | |
| P rat me senbla uert e uermeill Jssamen com lo te(m)ps de mai Sim ten fin amor coint e gai Nes mes flor blancha e uermeilla Et li uer chalen de maia La genser ela plus gaia Ma mandat qe samor mautrei Senqer nollam desautreia |
Prat mi senbla vert e vermeill Jssamen com lo temps de mai; si.m ten fin amor coint’e gai: nes m’es flor blancha e vermeilla et liver chalen de maia, la genser e la plus gaia m’a mandat qe s’amor m’autrei s’enqer no lla.m desautreia. |
| III | |
| P aor me fan maluais conseill Per qel secle mor e deschai Adoncs sa ioston li saluai E luns a lautre conseilla Com se fin amor deschaia Ai maluasa gent saluaia Qi uos ne uostre conseilcre Dame deu prec eldescreia |
Paor mi fan malvais conseill, per qe.l secle mor e deschai: adoncs s’aioston li salvai e l’uns a l’autre conseilla com se fin amor deschaia. Ai! malvasa gent salvaia, qi vos, ne vostre conseil, cre da me Deu prec e.l descreia. |
| IV | |
| D a qest me rancur em coreill Qira men fan dol e esmai Et pes alor del ioi qeu ai Et pois chascun sen coreilla Del autrui ioi e sesmaia Ja eu meillor drec non aia Cab sol deport uenz e guerei A cil qe plus me guerria |
D’aqest me rancur e.m coreill q’ira me.n fan dol e esmai et pesa lor del ioi q’eu ai. Et pois chascun s’en coreilla de l’autrui ioi e s’esmaia, ja eu meillor drec no.n aia c’ab sol deport venz e guerei a cil qe plus me guerria. |
| V | |
| G es mi do(m)pna nos meraueill Sil qier qem don samor nim bai Contra la foldat qem retrai Feraimen grant merueilla Sela macola ni baia … seria com mi retraia Ai cal uos ui e cal uos uei P(er) benena(n)sa qem ueia |
Ges mi dompna no.s meraveill si.l qier qe.m don s’amor ni.m bai. Contra la foldat qe.m retrai, fera i me.n grant merveilla, se la m’acola ni baia. … s’er ia com mi retraia “a! cal vos vi e cal vos vei!” per benenansa qe.m veia? |
| VI | |
| N oig e ior pens consire ueill Planc e sospir ma pois ma pai Et neguns hom tan mal no(n) trai Mas un bon respeg mesueilla Don mon coratge sapaia Fol soi qar dic qe mal traia Pois aitan ric amor en uei Ben uai ab sola lenueia |
Noig e ior pens, consir e veill, planc e sospir ma pois m’apai. Et negus hom tan mal non trai; mas un bon respeg m’esveilla, don mon coratge s’apaia. Fol soi! Qar dic qe mal traia? Pois aitan ric amor envei Ben vai ab sola l’enveia. |
| VII | |
| F in amor a uos ma pareill P(er)o non couen ne meschai Mais qar par uostra merce plai Deu cuit qe mo apareilla Caisi fin amor descaia Mado(m)pna per merce plaia Caiaz del uostramic merce Pois aitant ges uos merceia |
Fin amor, a vos m’apareill; pero non coven ne m’eschaj, mais qar par vostra merce plai (Deu cuit qe m’o apareilla!) c’aisi fin amor descaia. Ma dompna per merce plaia c’aiaz del vostr’amic merce, pois aitant ges vos merceia. |