| Tiebaut roy de nauarre | Tiebaut Roy de Navarre |
| I | |
| De fine amour uient science (et) bonte---Et amours uient deces deus autresi. Tius trois sont uns qui b(ie)n iapense. Ja ne seront anul iour departi par un conseil sont touz trois establi.leur courreeur qui o(n)t aua(n)t ale. de moi ont fai tout leur chemin farre. tant lont use ia nen seront parti. |
De fine amour vient science et bonté et Amours vient de ces deus autresi tous trois sont uns, qui bien i a pensé, ja ne seront a nul jour departi. Par un conseil sont touz trois establi leur courreeur, qui ont avant alé. De moi ont fai tout leur chemin farré, tant l'ont usé, ja n'en seront parti. |
| II | |
| Li courreur sont de nuit enclarte (et) de iour sont par la gent oscurcit li doulz re gars (et) le mot sauoreus. la g(ran)t biaute (et) le b(ie)n que ie iui. nest merueille ce se ma esbahi. Am si adieus le siecle enlumine car qui uenront le plus biau iour deste lesli seroit oscurs aplain midi. |
Li courreur sont de nuit en clarté et de jour sont par la gent ocurcit li doulz regars et le mot savoureus la grant biauté et le bien que je i vi. N'est merveille ce se m'a esbahi am si a Dieus le siecle enluminé car, qui venront, le plus biau jour d'esté seroit oscurs a plain midi. |
| III | |
| En amour apaour (et) hardement. Cil troi son dui (et) eutier sont li dui m(u)lt g(ra)nt ualeur. out aeuls a- pendant out tout lib(ie)n sont retrait (et) raui pour ce amours si opitaus dautrui que nus nifait selonc son auenant. Ieai faili. dame qui uales tant anostre hostel si ne sai ou iesui. |
En amour a Paour et Hardement: cil troi son dui et eu tier sont li dui, mult gran valeur out a euls apendant out tout li bien sont retrait et ravi. Pour ce amours si opitaus d'autrui que nus n'i fait selonc son avenant. Ie ai faili, dame qui vales tant, a nostre hostel, si ne sai ou ie sui. |
| IV | |
| Ieui uoi plus mes adieu me co(n)mant. que tous pensers ailessie pour cestui. ma belle ioie ou ma mort ia tant ue sai le quel. mais q(ua)nt deuant lui fui. ne me firent li uair oeil oint danui. ainz me uin(d)re(n)t ferir. dun dous talent que en core iest lecop q(ue) ie resui. |
Ieu i voi plus, mes a Dieu me conmant, que tous pensers ai lessié pour cestui, ma belle ioie ou ma mort i atant ue sai lequel, mais quant devant lui fui, ne me firent li vair oeil point d'anui, ainz me vindrent ferir d'un dous talent que encore i est le cop que ie resui. |
| V | |
| Licop fu g(ra)nt il ne fait q(ue)npirier. ne nulz mires ne men pourroit saner Ce celle non qui le dart fut lanciez. se de samain iuouloit adeser b(ie)n en pourroit le mortel cop oster. atout le fer dont iai g(ra)nt desirrier. mais lapointe du fer nenpuis sachier. que elle douna dedens au coup donner. |
Li cop fu grant, il ne fait qu'enpirier, ne nulz mires ne m'en pourroit saner, ce celle non, qui le dart fist lancier, se de sa main i vouloit adeser, bien en pourroit le mortel cop oster, a tout le fer, dont i'ai grant desirrier, mais la pointe du fer n'en puis sachier, que elle douna dedens au coup donner. |