 |
bernard dauentadorn. ERa non uei luzir so leilh. tan me so(n) escur zit li rai[1]. e ges p(er) aitan no mesmai. cuna clardatz mi soleilha. damor qinz el cor mi raia. e qant autra gen sesma ya. ieu meilhur e ges no(n) sor dei. per qe mos chanz no(n) so(r)deia. Prat mi semblan gruec e uer meilh. eissamen con el temps de mai. sim ten fin amors co inde gai. neus mi sembla flor uermeilha. e iuiernz cale(n)da maia. qel genzers e li plus ga ia. ma promes qe samor mau trei. sencars nolam dezautreia. PAor mi fan maluas conseilh. per qel segle mueir e dechai. qara saioston li saluai. elun(s) ab lautre conseilha. consi fin amors dechaia. ai maluaza gen saluaia. qi uos ni uostre conseilh crei. damedieu prec qel descreia. DAqels mi rancur em coreilh. |
 |
qiram fan al cor ez esglai. qar lur pesa del ioi qieu ai. e pos chascus si coreilha. de lautrui ioi ni sesglaia. ieu chant la pl(us) dreit non aia. qab sol mos cha(n)z uenz e gerrei. cellui qi plus mi gerreia. IA ma domna nos merau(e)[2]ilh. sil prec qem don samor nim bai. segon la foldat qom retrai. farai genta meraueilha. si ia macolla nim baia. aser ia co(m) mi retraia. ai qal uos ui e qal uos uei. per benana(n)za qe ueia. NUeg e iorn pens cossir e ueilh. e planc e suspir e mapai. con meilhs mi uai ieu piez trai. mas uns bons respiez mesueil ha. qem uen al col e mapaia. fols sui qe dic qe mal traia. qar pos tan richamen enuei. pro ai ab so la lenueia. FIn amors ab uos ma pareilh. pero nom coue ni eschai. mas qar per uostra merceus plai. ben uei qe dieus ma pareilha. [2] Aggiunta in interlinea.
|
 |
consi fin amors meschaia. ai domna per merceus plaia. qa iatz de uostramic mercei. pos qe tan gen uos merceia. BErnatz clama si dons mercei. per qe tan gen si merceia. |