| I | |
| reambautz daurega A b nou cor e ab nou talen. ab nou saber. E ab nou sen E ab noubel captenemen. Ueil. un uou uerset comensar. e qi mos nous bos mots entent. bener plus nou a son uiuent. com ve(i)s(s)tz. sen deu renouelar. |
Reambautz d’Aurega Ab nou cor e ab nou talen, ab nou saber e ab nou sen e ab nou bel captenemen, veil un nou verset comensar e, qi mos nous bos mots entent, ben er plus nou a son vivent com vestz s’en deu renovelar. |
| II | |
|
Q ieu renouel mon ardimen. cai nouel ab ueil pessamen franc de noueil ab uieil paruen er tant em al nouel. teps clar qel nouels foils nais dont dei= sen lo nouels critz don iois sempren dels ausels qintron en amar. |
Q’ieu renovel mon ardimen, c’ai novel ab veil pessamen, franc de noveil ab vieil parven, er tant em al novel teps clar, qe.l novels foils nais dont deisen lo novels critz, don iois s’empren, dels ausels q’intron en amar. |
| III | |
|
D on amors mi fai alegrar. qeuam si com non pot comdar. tam ben con euam ni pensar qieu am la gensor ses co(n)tent si dieus mam enoi met cuiar. qal miels damar. Lam saup triar amors qe nos aiustet gent. |
Don Amors mi fai alegrar q’eu am si com non pot comdar, tam ben con eu am ni pensar, q’ieu am la gensor ses content: si Dieus m’am! E no.i met cuiar, q’al miels d’amar la.m saup triar Amors qe nos aiustet gent. |
| IV | |
|
D amor me deg eu ben lauzar. Mais qas amor guizardonar. Mim posc qamors ma sim ten car. dat amors p(er) son chauzimen Mais qamor no(n) pot est(i)u(m)iar. A sos obs amors ni donar ad autrui con ai cor rizen. |
D’amor me deg eu ben lauzar, mais q’as amor guizardonar mim posc: q’amors m’a si.m ten car; dat Amors per son chauzimen mais q’Amor non pot estuiar a sos obs, Amors, ni donar ad autrui con ai cor rizen. |
| V | |
|
R ire dei eu eu sim faz souen qel cars me ri neus en durmen. [emidonz ritan douzamen] qe sies ris de sui mes som par. deu me fa son ris plus jauzen. qe sem rizion qatre cent angel. qem deuriom gaug far. |
Rire dei eu eu si.m faz soven, q’el cars me ri neus en durmen e midonz ri tant douzamen qe sies ris de sui m’es, so.m par; Deu me fa son ris plus jauzen, que se.m rizion qatre cent angel qe.m deuriom gaug far. |
| VI | |
|
G aug ai eu tan qe mil dolen se(n)rio(n) del meu gaug manen. Car gaug (et) eisament. La mi donz qelmi pot tot dar. |
Gaug ai eu tan qe mil dolen senrion del meu gaug manen, car del men gaug tuig meu paren viurion ab gaug et eisament; la midonz qe.l mi pot tot dar. |
| VII | |
|
D omna dals non aia parlar mas de uos dona qe baisar. Uos cuig. domna qant augno(m)nar. Uos dona qe sos uestimen e mon cors do(m)na uos esgar. qa des mius ueg mi do nastar uostre bel non cors couinen. |
Domna, d’als non ai a parlar mas de vos dona qe baisar vos cuig, domna, qant aug nomnar vos dona qe sos vestimen e mon cors, domna, vos esgar, c’ades mius veg midon astar vostre bel non cors covinen. |
| VIII | |
|
D emon nou uers ueil totz pregar qeil manon de nouel chantar. A lieis qam senes talen uar. deus mabai (et) amors seim mou qautre ris me semblon plorar. Sim te(n) ferm en guag sens laissar. mi donz cautre drut no(n) cosse(n)t. |
De mon nou vers veil totz pregar qe il m’anon de novel chantar a lieis q’am senes talen var. Dieus m’abai, et Amors, se im mou, q’autre ris me semblon plorar, si.m ten ferm en gaug sens laissar midonz, c’autre drut non cossent. |
| IX | |
|
J a dieus mais do(m)na nom prezent sol gar ma do(m)na e mo(n) (u)i(i)uglar. |
Ja Dieus mais domna no.m prezent: sol gar ma domna e mon iuglar. |
| X | |
|
D ieus gart ma do(m)na e mon (u)i(i)uglar e iamais do(m)na nom prezent. |
Dieus gart ma domna e mon iuglar e ia mais domna no.m prezent. |