| Rubrica | |
| Bertran dalborn | Bertran dal Born |
| I | |
|
Nonpuesc mudar mon cantar no(n)esparia. pos oc e no ames fos
e trait sanc. car gran gerra fai descars seinher larc. p(er)qem plai ben delrei uexer labomba. qenaiam ops passer cordas (et) pon. e sion drap tenduz p(er) fors iaxer. esemcontrem amigler (et) da cen. si qa pres nos canton puois delagesta. |
Non puesc mudar mon cantar non esparia pos Oc-e-Non a mes fos e trait sanc car gran gerra fai d'escars seinher larc per qe·m plai ben del rei vexer labomba qe·n'aiam ops passer cordas et pon e sion drap tenduz per fors jaxer es emcontrem a migler et da cen si q'a pres nos canton puois de la gesta |
| II | |
| Qeu naia colps recebutz enmataria. efaitz uermeilh demon gonfanon blanc. mas p(er)aizo men sufri e men parc. qe oc e no sap ben qun datz me plomba. mas no(n) es meus lesinans ni rancon. qeu puesc loing osteiar ses auer. mas aiudar pues de mos conoscenz. escud acol ecapel en ma testa. |
Q'eu naia colps recebutz en ma taria e faitz vermeilh de mon gonfanon blanc mas per aizo m'en sufri e m'en parc qe Oc-e-Non sap ben q'un datz me plomba mas non es meus Lesinans ni Rancon q'eu puesc loing ostejar ses aver mas aiudar pues de mos conoscenz escud a col e capel en ma testa. |
| III | |
| Sel rei felipz nagues ars una baria. denan ghiorz ocrebat une stanc. cauriom entres p(er) forz alparc. qelasegues pel p[...] comba. com no(n) pogues t(r)aire breu ses colom. adonc sai eu qel uolgrafa parer. carle magnes e sos meiller parens p(er) cui fo poilla e sasongna conqesta. |
S'el rei Felipz n'agues ars una baria denan Ghiorz o crebat une stanc c'avriom entres per forz al parc qe l'asegues pe·l p(?) comba com non pogues traire breu ses colom adonc sai eu qe·l volgra fa parer Carle Magnes e sos meiller parens per cui fo Poilla e Sasongna conqesta |
| IV | |
| Anta laduz e de prez lodescaria. gue(r)ra celui cui no(n) troba franc. p(er) qeu no(n) cuit lais caortz ni caiarc. mos oc (et) no pos tan saub de trast onba. silbailla reis lotesaur de cinom. de querra acor e auran pois poder tan lies trebaill e mesions plaisenz. qe foz amixs eli enem ixs tenpesta. |
Anta l'aduz e de prez lo descaria guerra celui cui non troba franc per q'eu non cuit lais Caortz ni Caiarc mos Oc-et-No pos tan saub de trastonba si·l baill'a reis lo tesaur de Cinom de querr'a acor e auran pois poder tan li es trebaill e mesions plaisenz qe soz amixs e li enemixs tenpesta |
| V | |
| Anc naus enmar qant ac perdutz sabaria. e amal tenps euol urtar aranc e uai plus tost cuna saiecta darc es leua ina ut e pueis aual iosconba. no(n) traisanc piez e dirai uos ben co. qeu faz p(er)lei qui no uol retener. qe nomatern iorn term(en) ni co(n)ue(n) [...] mos iois qera floritz bisesta. |
Anc naus en mar qant ac perdutz sa baria e a mal tenps e vol urtar a ranc e vai plus tost c'una sajecta d'arc es leva in aut e pueis aval jos conba non trais anc piez e dirai vos ben co q'eu faz per lei qui no vol retener qe no matern jorn termen ni conven (?) mos jois q'era floritz bisesta |
| VI | |
| Va papiol e no(n) istra len(z) atrainacz siaz anz delafesta [.] ma rogier catotz sos parenz. qeu no(n) trob mais omba ni om ni esta |
Va Papiol e non istia lenz, a Trainatz siaz anz de la festa [.] ma Rogier, c'a totz sos parenz, q'eu non trob mais omba ni om ni esta. |