 |
| Sire adans de gieuenci |
 |
| SJ com fortune damors me maine diversement vne fois can- te autre plour. mais ne mauient pas sovent. ken baudour praigne mes cuers tel seior. ke ma cancons en ament. si enchant mains plaisanment ne p(our) qua(n)t iaj ma pouour cangie nouellement. dont ma dame quj iaor. tient mon nouel hardiement a folour. (et) dist se plus idemour. ke chiert amon nuisement. mais a grant tort men repenc. |
 |
| Car puis ke toutes do cement. pour li (et) pour sa valour. esperer doj ensement sa doucour. ceste raj- son iatour. se ma dame le consent esperer si hautement. |
 |
| Mais ama rai son retour. iai parle trop folement. car iaim del mont la millor si doj con ter pour noient al menour de ses biens. mon mal grignour. (et) ne doj pas ielment auoir (et) ioie (et) torment |
 |
| Qvant iou esgarc son atour (et) son bel acointement (et) sa rosine colour. moj samble veraiement. ke amor doinst sa beaute resplendour. ie di cou ke iou ensenc. ne sai sil est autrement |
 |
| Can cons fai pour moj clamor. la ou moj (et) toi present di des pucelles la flour de quanques ele entreprent ke lonour li doinst diex au par destor. a ces mos par droit entent ke pour li chant solement |