| Rombauç daurenga | Rombauç d'Aurenga |
| I | I |
|
B raitz chanz qil criz Aug dels Auçels pels plaissa ditz
Hoc mas nols deui nils enteing
Cun ram mi seing
La on dols mes pren qen sofer.
|
Braitz, chanz, qil, criz aug dels auçels pels plaissaditz.
Hoc! Mas nols devi nils enteing
c’un ra·m mi seing
la on dols mespren qe·n sofer.
|
| II | II |
|
S im fos graçitz Mos chantars ni ben acuillitz
Per cella que ma endesdeing
Daitan mi feing
que manz bos locs for enbrugitz
Mais que non er
|
Si·m fos graçitz
mos chantars, ni ben acuillitz
per cella que m’a en desdeing,
d’aitan mi feing
que manz bos locs for’enbrugitz,
mais que non er.
|
| III | III |
|
T ristz e maritz Es mos chantars aissi fenitz
Per tos temps mais tro qellam deing
Pel sieu manteing
Era mos bons er es delitz
Mais non sofer.
|
Tristz e maritz
es mos chantars aissi fenitz
per tos temps mais tro q’ellam deing
pel sieu manteing.
Era mos bons, er es delitz!
Mais non sofer.
|
| IV | IV |
|
|
Iois m’es fugitz!
Un pauc mai tost mi son faillitz
S’anc mi volc, er m’a en desdeing.
Com non esteing
car precs mi merces ni destritz
ren no i conquier?
|
| V | V |
|
M os cors me ditz Per que soi per lei enueillitz
Car sap qe nuil autra non deing
Per som nestreing
Morai car mos cors enfollitz
Mas ges non quer.
|
Mos cors me ditz:
“per que soi per lei enveillitz?”
“car sap qe nuil’autra non deing,
per so·m n’estreing”.
Morai, car mos cors enfollitz,
mas ges non quer.
|
| VI | VI |
|
|
Com soi traitz!
Bona domn’ab talan voutitz,
ab cor dur, a! nuil’als non deing,
mesclat ab geing.
Volres que torn flacs enduriçiç,
ho que demer!
|
| VII | VII |
|
T rop sui arditz domna mos cenz eissabocitz
Ma fag dir fols motz qeu non deing
Contra mi reing
Tan soi fors de mon cen issitz
Non sen quim fer
|
Trop sui arditz!
Domna, mos cenz eissabocitz
m’a fag dir fols motz q’eu non deing:
contra mi reing.
Tan soi fors de mon cen issitz
non sen qui·m fer.
|
| VIII | VIII |
|
M out es petitz
Domnal tortz qeu uos ai seruitz
Per que uos maues en desdeing
faitz nes deueing
pendutz fos aut per la seruitz
quia moiller
|
Mout es petitz,
domna, ·l tortz q’eu vos ai servitz,
per que vos m’aves en desdeing.
Faitz n’esdeveing!
Pendutz fos aut per la servitz
qui a moiller!
|
| IX | IX |
|
H umils ses geing
Domna uostre sers faillitz
Merce nos quer
|
Humils, ses geing,
domna, vostre sers faillitz
merce nos quer.
|