| Raimbaud dorenia | Raimbaud d'Orenia |
| I | |
|
B Rails cantz qilscritz aug dels auzels pels plaisaditz. oc mas no los enten ni deinh. qar uius mesteinh. le cors on dols mes pres. asitz. qar nom sofer. |
Brais, cantz, qils, critz aug dels auzels pels plaisaditz.
Oc! Mas no los enten ni deinh;
Qar vius mesteinh
le cors, on dols mespres asitz,
qar no·m sofer.
|
| II | |
|
S I fos grazitz. Mos chanz ni ben acuilhitz. per cella qe ma en desdeinh. daitan me feinh. qen mantz bosluecs fora au zitz. Mas qe non er. |
Si fos grazitz
mos chanz ni ben acuilhitz
per cella qe m’a en desdeinh,
d’aitan me feinh
q’en mantz bos luecs fora auzitz,
mas qe non er.
|
| III | |
|
T Ristz e marritz. er mos chan tars. aissi fenitz. per totz te(m)ps mais tro qel ma deinh. pel sieu manteinh. era mos bes ares delitz. mas nol sofer. |
Tristz e marritz
er mos chantars aissi fenitz
per totz temps mais tro q’el m’a deinh
pel sieu manteinh.
Era mos bes, ar es delitz,
mas no·l sofer.
|
| IV | |
|
I Ois me fon gitz. un pauc mas tost me fon failhitz. Sanc me uolc ar ma endesdeinh. qom non ateinh. qan prec m(er)ce de mos destritz. ren no(n) (con)qer. |
Iois me fongitz!
Un pauc mas tost me fon failhitz!
S’anc me volc, ar m’a en desdeinh.
Qom non ateinh
qan prec merce de mos destritz
ren non conquer?
|
| V | |
|
M Os cors me ditz. per qeu sui p(er) leis enueilitz. qar sap qe nul lautra no deinh. p(er) so me stre inh. morrai qe mos cors e(n)folitz. ren no li qer. |
Mos cors me ditz:
“Per q’eu sui per leis enveilitz?”
“Qar sap qe null’autra no deinh
per so·m estreinh”.
Morrai, qe mos cors enfolitz,
ren no li qer.
|
| VI | |
|
C On sui traitz. bona donnab talentz uoutitz. ab cor dur qar autra non deinh. mes clat ab geinh. uolez qe torn flacs endormitz. e(n) qe demer. |
Con sui traitz!
Bona domn’ab talentz voutitz,
ab cor dur qar autra non deinh,
mesclat ab geinh.
Volez qe torn flacs endormitz,
en qe demer!
|
| VII | |
|
T Rop sui arditz. donne mos sens ensaboisitz. ma fach dir fols motz qieu non deinh. co(n) tra mi reinh. tan sui fors de monsen issitz. no(n) sen qim fer. |
Trop sui arditz! donne mos sens ensaboisitz
m’a fach dir fols motz q’ieu non deinh:
contra mi reinh.
Tan sui fors de mon sen issitz
non sen qi·m fer.
|
| VIII | |
|
M out son petitz. le tortz e qieu uos sui g failhitz. e per qe ma ues endesdeinh. fatz en deue inh. pendutz sia per la ceruitz. qi ha moiller. |
Mout son petitz
le tortz e q’ieu vos sui g failhitz
e per qe m’aves en desdeinh.
Fatz endeveinh!
Pendutz sia per la cervitz
qi ha moiller!
|
| IX | |
|
H Umil ses geinh. donna le uo stre fals failhitz. merce uos qer. |
Humil, ses geinh,
donna, le vostre fals failhitz
merce vos qer.
|