| Raimbaud daurengua | Raimbaud d'Aurengua |
| I | I |
|
B rais chans quils critz. aug dels auzels pels plaisaditz. oc mas nols deui nils entenh. com re mi ensenh. lo cor on dols mespris perque sofier |
Brais, chans, quils, critz aug dels auzels pels plaisaditz.
Oc! mas nols devi nils entenh;
com re mi ensenh
lo cor, on dols mespris
per que sofier.
|
| II | II |
| S im fos grazitz. mos chantars ni ben a cuillitz. per cela que ma endesdenh. daitan mi fenh. que mains bos luer foresbrugitz. mais que non er. |
Si·m fos grazitz mos chantars ni ben acuillitz
per cela que m’a en desdenh,
d’aitan mi fenh
que mains bos luer for’esbrugitz,
mais que non er.
|
| III | III |
|
T ritz emarritz. es mos chantars aisi fe nitz. per tostems mais tro quelam denh. pel sieu mantenh. era mos bes ares delitz. mas nol sofier. |
Tritz e marritz es mos chantars aisi fenitz
per tos tems mais tro qu’elam denh
pel sieu mantenh.
Era mos bes, ar es delitz!
Mas no·l sofier.
|
| IV | IV |
|
I ois mes fugitz. un pauc mas tost me fon faillitz. sanc mi uolc ar ma endesdenh. com non estenh. q(ua)n precx ni merces ni destricx. re noi conquer. |
Iois m’es fugitz! Un pauc mas tost me fon faillitz! S’anc mi volc, ar m’a en desdenh. Com non estenh quan precx ni merces ni destricx re no i conquer? |
| V | V |
|
M os cors me ditz. perque soi per leis en ueillitz. q(ua)r sap que nuillautra non denh. per so nestenh. morrai quar mos cors en folitz. mas ges non quier. |
Mos cors me ditz: “Per que soi per leis enveillitz?”
“Quar sap que nuill’autra non denh
per so n’estenh”.
Morrai, quar mos cors enfolitz,
mas ges non quier.
|
| VI | VI |
|
C om sui traitz. bona dona abtalan uou titz. ab cor dura nuill als non denh. mes clat abgenh. uolretz que torn flacx en dormitz. ho que de mer. |
Com sui traitz! Bona dona ab talan voutitz,
ab cor dur, a! Nuill’als non denh,
mesclat ab genh.
Volretz que torn flacx endormitz,
ho que demer!
|
| VII | VII |
|
T rop soi arditz. dona mos sens essabo ritz. ma fag dir fols motz quieu non denh. contra mi renh. tan soi fors demo(n) sen issitz. no sen quim fer. |
Trop soi arditz! Dona, mos sens essaboritz
m’a fag dir fols motz qu’ieu non denh:
contra mi renh.
Tan soi fors de mon sen issitz
no sem qui·m fer.
|
| VIII | VIII |
|
M olt es petitz. donal tort quieu uos ai seruitz. perque uos maues endesdenh. pendutz fos aut per la seruitz. quia m oiller. |
Molt es petitz,
dona, ·l tort qu’ieu vos ai servitz,
per que vos m’aves en desdenh.
Pendutz fos aut per la servitz
qui a moiller!
|
| IX | IX |
|
H umil ses genh. dona lo uostre fals faillitz. merce uos quer. |
Humil, ses genh, dona, lo vostre fals faillitz
merce vos quer.
|
| X | X |
|
M as pretz non sobranses tequitz. donen uos er. |
Mas pretz, non sobrans, es tequitz: don en vos er.
|