| perolus. | Perolus | ||
| D el seu tort farai emenda lei qe(m) fes partir de se. Qen qar ai talent qel renda. Sil plaç ma chanços e me. Sanç respit dautra merce. Sol sofra qen leis me(n)tenda. E qel bel nien matenda.
|
Del seu tort farai emenda, | 1 | 1 |
| lei qe·m fes partir de se, | 1 | 2 | |
| q'enqar ai talent qe·l renda, | 1 | 3 | |
| si·l plaç, ma chanços e me, | 1 | 4 | |
| sanç respit d'autra merce; | 1 | 5 | |
| sol sofra q'en leis m'entenda | 1 | 6 | |
| e qe·l bel nien m'atenda. | 1 | 7 | |
| Pos p(er) negun dan qe me(n) prenda De sa mistat nu(m) recre. Anç soffri qanqe men cenda. La pena el dan qe men ue. far mi degra qalqe be Mas nos tang qeu la reprenda Se tut ses uer qil mesprenda.
|
Pos per negun dan qe m'en prenda | 2 | 1 |
| de s'amistat nu·m recre, | 2 | 2 | |
| anç soffri, qan qe m'encenda, | 2 | 3 | |
| la pena e·l dan qe m'en ve: | 2 | 4 | |
| far mi degra qalqe be, | 2 | 5 | |
| mas no·s tang q'eu la reprenda | 2 | 6 | |
| setut s'es ver q'il mesprenda. | 2 | 7 | |
| Ben sai qe ges no(n) porria Mon cor de samor ostar. Per ira ni p(er) feonia Ni per autra do(m)na amar No men chal plus essaiar. Mas ela soa merce sia Qeu la merai tota uia. |
Ben sai qe ges non porria | 4 | 1 |
| mon cor de s'amor ostar | 4 | 2 | |
| per ira ni per feonia | 4 | 3 | |
| ni per autra domna amar; | 4 | 4 | |
| no m'en chal plus essaiar, | 4 | 5 | |
| mas e la soa merce sia, | 4 | 6 | |
| q'eu l'amerai tota via. | 4 | 7 | |
| Molt en cossir noit (et) dia. E no me(n) sai cossillar. Pero si se deuenia Gra(n)t desir ai dun basar Li pogues tolre oemblar. E sil pois sen irascia Volenter lo li rendria.
|
Molt en cossir noit et dia | 3 | 1 |
| e no m'en sai cossillar; | 3 | 2 | |
| pero si s'edevenia, | 3 | 3 | |
| grant desir ai d'un basar | 3 | 4 | |
| li pogues tolre o emblar, | 3 | 5 | |
| e si·l pois s'en irascia | 3 | 6 | |
| volenter lo li rendria. | 3 | 7 | |
| Mas no(n) es nuls hom qi tegna. Tant apoderaç amors Quera uol q(e)m desouegna Del ric iois el gent socors. Qauia trobat allors. Mas ale plaç qem destegna. P(er) tal qe no(m) uol ni degna.
|
Mas non es nuls hom qi tegna | 5 | 1 |
| tant apoderaç Amors, | 5 | 2 | |
| qu'era vol qe·m desovegna | 5 | 3 | |
| del ric iois e·l gent socors | 5 | 4 | |
| q'avia trobat allors, | 5 | 5 | |
| mas a le plaç qe·m destegna | 5 | 6 | |
| per tal qe no·m vol ni degna. | 5 | 7 | |
| Bona do(m)na en cui regna. Sens ebeutaç e ualors Sofrereç qaissim destegna Lo desirers el lamors. Si uals desplasers menors. Mi fach tant don ioi mi uegna Sol ca uos nos descon uegna.
|
Bona domna, en cui regna | 6 | 1 |
| sens e beutaç e valors, | 6 | 2 | |
| sofrereç q'aissi·m destegna | 6 | 3 | |
| lo desirers el l'amors? | 6 | 4 | |
| Sivals des plasers menors | 6 | 5 | |
| mi fach tant don ioi mi vegna, | 6 | 6 | |
| sol c'a vos no·s desconvegna. | 6 | 7 | |
| Dalfin solaç et amors. E cortes sens uos ensegna. Cossi iois e preç ma uegna |
Dalfin, solaç et amors | 8 | 1 |
| e cortes sens vos ensegna, | 8 | 2 | |
| cossi iois e preç m'avegna. | 8 | 3 | |
| Chanconeta uai decors Dire midons qit retegna. Pos mi retener no degna. |
Chançoneta, vai de cors | 7 | 1 |
| dire midons qi·t retegna, | 7 | 2 | |
| pos mi retener no degna. | 7 | 3 |