Tu sei qui

Revisione di Edizione diplomatica del Lun, 10/12/2018 - 22:09

III.

Can lo riu de la fontaina
         S’esclarsis, si con far sol,
         E par la flor Aiglentina,
         E’l rosinholet el ram
         Volt, e refranh; et aplana
         Son dous chantar, et afina,
Dreitz es doncs, que’l mieu refranha.

Amors de terra loindana
         Per vos totz lo cors mi dol,
         E non puesc trobar metzina
         Tro venha’l vostre reclam
         Ab atrag d’amor dousana
         Dins vergier, ó tras cortina
         Ab dezirada companha.
Pos totz irons men faill aizina
         No’m meravilh, si’m n’aflam,

Car anche genser crestiana
         Non fes Dieu, ni.nola vol,
         Juziena, ni Sarrazina.
         Ben es doncs pagues de mana
         Drutz, que de s’amor gazanha.
De voler mos cors mon fina
         Ves cella re, quieu plus am,
         E sai, que volers m’entana,
         Si cobe [1] esa la’m tol;
         Car plus es poinhenz d’espina
         Ma dolors, quez ab ioi sana,
         Don ia non vueilh, c’om mi plainha.
EntreGrec, e trasmontana
         Volgr’esser dins el mar,
         Et agues can, e traina,
         Ab que m’ânes deportar,
         Fuec, e lenha, e sertana,
         E pron peison per cozinar,
         E mi Dons per companha.
S’en est Breu de perfamina
         tramite lo ver en chantan
         En plana lenga Romana
         a Nugo bru mon filhol,
         Bo’n sap, car gens Peitavina,
         De Berriu, e de Guiana
         S’esiau per lui, e Bretanha.

[1]Lettura deteriorata da una macchia di inchiostro.