| I | I |
| Can uei la lauzeta moer. deioy sas alas contral ray quens oblides laiya chazer. per la douzor cal cor li uay. ailas cal enueya menpren. de qui queu ueya iausion. merauil las ay car dese. lo cor de desirier no fon. |
Can vei la lauzeta moer de ioy sas alas contra·l ray quens oblid’e·s laiya chazer per la douzor c’al cor li vay. Ai las! Cal enveya m’en pren de qui qu’eu veya iausion, meravillas ay, car dese lo cor de desirier no fon. |
| II | II |
| Lasser tan cuiaua saber damor etan petit ensai. car eu dam ar nom pusc tener celeis cuia pro non aurai. tot ma moncor etout mal sen. esi m[...]eis etot lo mon. ecan sim tolc no(m) laiset re mas desirier ecor uolon. |
Lasser! Tan cuiava saber d’amor e tan petit en sai! Car eu d‘amar nom pusc tener celeis cuia pro non aurai. Tot m‘a mon cor e tout m‘a·l sen, e si m[...]eis e tot lo mon; e can si·m tolc, no·m laiset re mas desirier e cor volon. |
| III | III |
| Delas domnas medesesp(er). iamais enlor nom fiarai. caisi co(m)l as suol mantener. det aisi las desmantenrai. pus ueicuna pro nomente. deleis quim destrui em cofon. totas las dupte las mes cre. car be sai catrestals se son. |
De las domnas me desesper; iamais en lor no·m fiarai, c‘aisi com las suol mantener detaisi las desmantenrai. Pus vei c‘una pro no m‘en te, de leis qui·m destrui e·m cofon totas las dopt‘e las mescre, car be sai c’atrestals se son. |
| IV | IV |
| Anc demi nonagui poder. ni nofui meus dlora ensai. quem laiset demos huils uezer. en un mirail q(ue) fort mi play. mirail pus memirei ente. mamort li sospir deprion. caisi p(er)dei com p(er)det se lo bel. |
Anc de mi non agui poder ni no fui meus de l’ora en sai que·m laiset de mos huils vezer en un mirail que fort mi play. Mirail, pus me mirei en te m’a mort li sospir de prion c’aisi perdei com perdet se lo bel. |
| V | V |
| Pus abmidons nom p(re) ualer p(re)c ni merces ni dreit q(ue)u ai. ni aleis nouen aplaser. quemam iamais no(n) lidirai. aisi part da mor emrecre. mort ma ep(er)mort lirespon. euaumen pus il nom rete. emeril [...] nosai on. |
Pus ab midons no·m pre valer prec ni merces ni dreit qu’eu ai ni a leis no ven a plaser que m’am iamais non li dirai. Aisi part d’amor e·m recre; mort m’a e per mort li respon, e vau m’en pus il no·m rete, em eril [...] no sai on. |
| VI | VI |
| Daiso fai ben fembra parer. madomna p(er) q(i)eu lo retrai. q(ue)is co(m) no uol fa uoler. eso comli deueda fai. uengut [...] amala merce [...] las chaitiu desironon. q(ue) ia leis. non aura be. laisar mo rir q(i) no(n) laon. |
D’aiso fai ben fembra parer ma domna per q’ieu lo retrai, queis c’om no vol fa voler e so c’om li deveda fai. Vengut [...] a mala merce [...] las, chaitiu, desironon que ia leis non aura be laisar morir et non l’aon. |
| VII | VII |
| Amor es p(er)duda p(er)u(er). mas eu nono [...] anc mai. car cel q(u)ipu is encuia uer. nona pas doncs. onlaquerrai. acanmal sembla q(ui)la ue. co(m) eu car fait de fol empon. esai be p(er)q(ue) mesdeue. can [...] pu iai contra mon. |
Amor es perduda per ver, mas eu non o [...] anc mai, car cel qui puis en cui aver non a pas doncs; on la querrai? A! Can mal sembla qui la ve, com eu car fait de fol em pon e sai be per que m’esdeve, can [...] puiai contra mon. |