| I | |
| Non estarai mo(n) cha(n)tar no(n) es paria. pus noc e no a(n) mes foc e fag sanc. e gra(n)s guerra fa(n) descas senhor larc p(er) q(ue) me play dels reys can vei lurbo(m)ba. e(n)s aio ops pals e cordas e pom. e(n) sian draps te(n)dutz p(er) fors iazer es amassem a miliers e a ce(n)s. si ca pres nos e(n) chant ho(m) de la gesta |
Non estarai mon chantar non esparia pus n' Oc e No an mes foc e fag sanc e grans guerra fan de scas senhor larc per que me play dels reys can vei lurbomba ens aio ops pals e cordas e pom en sian draps tendutz per fors iazer. Es amassem a miliers e a cens si c'apres nos enchanthom de la gesta. |
| II | |
| Anta ladutz e de pretz lo descaria.gerra selui q(ue) ho(m) no(n) troba fra(n)c. p(er) q(ue) no uuelh lais caors ni gualhac. mo(n) oc e no pus ta(n) sap de tra stomba. sil bailal rey lo trezaur de simo(n). de guerra cor. (et) aura(n) po der. ta(n) les trebals e messios plazens. p(er) q(ue)ls amicx els enemicx te(m)pes ta. |
Anta l'adutz e de pretz lo descaria gerra selui que hom non troba franc per que no vuelh lais Caors ni Gualhac mon Oc e No pus tan sap de trastomba. S'il bailal rey lo trezaur de Simon de guerra cor et auran poder tan les trebals e messios plazens per quels amicx els enemicx tempesta. |
| III | |
| Colps nagra ieu receubutz e(n) ma taria. e fayt u(er)melh de mo(n) guoffayno blanc. mays p(er) ayso me(n) suefri e me(n) parc. mo(n) oc e no capdatz mi plomba. enon es meus li senhas nil ranco(n). e no(n) pu es luenh osteiar ses au(er). mas aiudar puesc a mos conoysens. escut al col e capel e(n) ma testa. |
Colps nagra ieu receubutz en ma taria e fayt vermelh de mon guoffayno blanc mays per ayso men suefri e men parc mon Oc e No cap datz mi plomba e non es meus li senhas nil Rancon e non pues luenh osteiar ses aver mas aiudar puesc a mos conoysens escut al col e capel en ma testa. |
| IV | |
| Sil rey felip plagues. a sana marga dena(n) gissort. (et) crebat un estanc. car aisintres p(er) forsel parc. els asseties pel pueg e p(er) la comba. com no(n) pogues trayre breu ses colom. lay doncx viram q(ui) fera aparer al fag carles lo sieu me lhor pare(n). p(er) q(ui) fo polha e samsuenha co(n)quista. |
S'il rey Felip plagues a sana marga denan Gissort et crebat un estanc car aisintres per fors el parc els asseties pel pueg e per la comba com non pogues trayre breu ses colom lay doncx viram qui fera aparer al fag carles lo sieu melhor paren per qui fo Polha e Samsuenha conquista. |
| V | |
| E nau e(n)mar ca(n)t a p(er)dut sabaria. et a mal temps e ua urtar al ranc. e cor pus tost duna saieta darc. e pueien aut e pueis en ios si plo(m)ba. no tray ta(n) mal e say dire com. com fas p(er) lieys q(ue) anc nom volc tener iorn. ni res <mal e say uos dire com> [pies] q(ue)r minis ni coue(n)s. p(er) q(ue) mos cha(n)s on miels fluris bissesta. |
E nau enmar canta perdut sabaria et a mal temps e va urtar al ranc e cor pus tost duna saieta darc e pueien aut e pueis en ios si plomba no tray tan mal e say dire com com fas per lieys que anc nom volc tener iorn. ni res <mal e say uos dire com> [pies] quer minis ni couens per que mos chanson miels fluris bissesta. |