 |
| bernartz martis. Non sap chantar. qi son non di ni uers trobar. ni non conois rima com ua. si razo non enten ensi lo mieus chantz es enaissi con plus lauzires mas ualria |
 |
| Nuls hom nos m(er)a uill demi seu am zo qe ia non ueira. qel cors ioi dautramor. non ha mas de cella qieu hanc non ui. ni p(er) autre ioi tan non ri sen es pro qe ia non aura. |
 |
| E si tan fai qe zo deui ma domna cossim mamara pos messat giers lai non ira. ni eu men metrai el cami. e sanc p(er) leis null. mal suffri. ia p(er) mon grat non o sabra. |
 |
| Ben sai qanc deleis non iauzi. nella demi non iauzira. ne p(er) zo(n) amic. non tenra ni couenz non fara de si anc uer no(n) diz. ni no menti car non coue ni non esca. |
 |
| Colps de ioi mi fer qen aussi e pois chan damor en sostra. lo cha(n) per qel cor maiura. qe anc mais tant fort non magri ni p(er) autres tant non langui. non sai qals bes men aue(n)ra. |
 |
| Anc tan souen non a dormi mos esp(er)itz tost non fos la. ni tant ira non hanc de la. qades ab ioi nol fos ]q[ aqi e qan mi reueil al mati totz mos bos sabers mi traz ua. |
 |
| Fagz es lo uers qanc noi falli. si tot zo qi es ben esta. e cel qi de mi la penra. gare nol frang ira nil pezi. car il an un en. caerci bertranz ni comz lai en toloza. |
 |
| Bons es lo soms. e faran i. qalqe ren don hom chantara. |