| Rubrica | |
| S(i)r(e). Btran delbort. | Sire Btran del bort |
| I | |
| NO puesc mudar qun chantar non esparia. pueis noc e non ha mes fuec etrach sanc. qar grans ger ra fa de scas seinhor larc. p(er)q(ue)m plai ben del rei sinuei la bonba. qeill ag(r)on ops paisson cordas e pom. ension trap*amilhiers e a cenz. si qapres nos encha(n)tho(n) dela gesta. |
No puesc mudar q'un chantar non esparia pueis N'Oc-e-Non ha mes fuec e trach sanc qar grans gerra fa d'escas seinhor larc per que·m plai ben del rei si·n vei la bonba qe·ill'agron ops paisson, cordas e pom. E·n sion trap tendut per for jaser els encontrem a milhiers e a cenz si q'apres nos en chant hon de la gesta. |
| II | |
| AMta lladus e de prez lo descaria. gerra cellui qes hom no troba franc. per qieu n(on) laus uas caors ni caarc. mon oc e non qetan sap de stratonba. sel reis li des lo tresaur de gion. de gerra cor e agra enpoder. tan illes treba ills e messios plasentz. qel sie us amics els enemics te(m)pesta. |
Amta ll'adus e de prez lo descaria Gerra cellui qes hom no troba franc per q'ieu non l'aus vas Caors ni Caarc mon Oc-e-Non qe tan sap de stratonba. S'el reis li des lo tresaur de Gion de gerr'a cor e agra en poder tan ill es trebaills e messios plasentz q'el sieus amics els enemics tempesta. |
| III | |
| SEl reis felips nages ars una ma(r) ia. denan gisors o crebat un estanc. si qa roam nintres per forcael parc. e ils aseges pel puei e per la comba. qom no(n) poges traire brieu ses colon. adoncs sai ieu qel cuiera ualer. carle *tendut per for iaser. els e(n)co(n)trem maine e sos meilhors parens. |
S'el reis Felips n'ages ars una maria denan Gisors o crebat un estanc si q'a Roam n'intres per força el parc e ils aseges pe·l puei e per la comba q'om non poges traire brieu ses colon adoncs sai ieu q'el cujera valer Carle Maine e sos meilhors parens per cui Poilha e Sannsoinha fu conqesta. |
| IV | |
| IEunagra colp receuput e(n) ma taria. e fach uermeilh de mo(n) confanon blanc. mas p(er) aiço men suefri e men parc. pueis noc e non conois qun dat mi plo(m)ba. e non esmieus lezianz ni ra(n)con. qieu puesca lieu osteiar ses a uer. mas aiudar puesch a mos conoisenz. escut al col el capell en ma testa. |
Ieu n'agra colp receuput en ma taria e fach vermeilh de mon confanon blanc mas per aiço me·n suefri e me·n parc pueis N'Oc-e-Non conois q'un dat mi plomba e non es mieus Lezianz ni Rancon q'ieu puesca lieu ostejar ses aver mas aiudar puesch a mos conoisenz escut al col el capell en ma testa. |
| V | |
| ANc naus enmar qan del tot p(er)t sa baria. e fai fort temps. e uai ferir al ranc. e cor plus fort cu na saieta darc. e sailh en aut e pueis enbas siplonba. non trais anc pieg e sai uos dire con. qon faiz perleis qes anc nom uolc tener. iorn ni respieg ter me ni couenenz. p(er)qe mosiois qera floritz bisesta. |
Anc naus en mar qan del tot pert sa baria e fai fort temps e vai ferir al ranc e cor plus fort c'una sajeta d'arc e sailh en aut e pueis en bas si plonba. Non trais anc pieg e sai vos dire con q'on faiz per leis qes anc no·m volc tener jorn, ni respieg, terme, ni covenenz, per qe mos jois q'era floritz bisesta. |
| VI | |
| Vay papiol e no sias ges lentz. atrasinhacon sias anz la festa. |
Vay Papiol e no sias ges lentz a Trasinhac on sias anz la festa. |
| VII | |
| Dimanaugier e atotz sos pa rentz. qieu non trueb plus onba ni on niresta. |
Di·m a·N'Augier e a totz sos parentz q'ieu non trueb plus onba ni on ni resta. |