D'amors me plaing ne sai a cui
maiz nus ne la puet josticier;
sovant me fait duel et enui,
penser, jeuner et veiller.
Bien me deüst rasouagier
la douce riens a cui je sui,
et s'onques son franc cuer conui,
conseil prendra de moi aidier.
Ma dame m'a mon cuer tolu,
si m'a laissie tot esbahi.
Se l'eust a soi retenu
n'eusse pais a tout failli.
Plor et sospir m'ont envaj.
Cil qui suelent estre mei dru
sont mei enemi devenu:
ceu sont mei oil qui m'ont trai.
He las! Je ne di mie bien,
je ne doit adroit blasmer,
mei oill ne mi ont forfait rien:
kon ne puet pas des euz amer.
Mais de mon cuer me doi clamer,
qui s'est mis en autrui loien:
celeu ne tieng je paus por mien,
qui se peine de moi greuer.
Ma dame a vairs, riant et cler
les euz et la boiche et lo vis.
Si ne puis mes euz saoler
de li esgarder, ainz languis.
S'amors m'a si loie et pris,
que je ne puis mon oster.
Sel me devroit guerredoner
d'un dolz regart ou d'un cler ris.
Apparato
I
1. plaing] C, plaig MU; 2. maiz nus ne] nus ne U, mais on ne M, et se m'en C; la puet josticier] MU, puis consillier C; 3. me] MU, m'ont C; duel] CM, ire U; 5. deüst rasouagier] U, deüst assoagier M, devroit rasuaigier C; 7. et] CU, mes M; cuer] CU, manca M.
II
1. dame] CU, amie M; 3. l'eust] C, le lust U, m'est M; 4. n'eusse] CM, ne m'eust U; failli] CM, enhai U; 5. envaj] MU, enhai C; 7. mei] CU, manca M; devenu] CU, manca M.
III
1. bien] CU, ensi M; mie] MU, pais C; 2. je ne doit adroit blasmer] U, nes en doi pais adroit blasmeir C, a tort en ai mes eus blasmez M; 5. mais de mon cuer me doi clamer] CU, de mon fol cuer me puis clamer M; 6. s'est] CU, m'a M; 7. celeu ne tieng je pas por mien] CU, bien me moustre qu'il n'est pas mienz M; 8. qui] CU, quant M.
IV
1. ma dame a vairs] CU, ele a les eus M; 2. les euz et la boiche] CU, la bouche vermeille M; 3. si ne] U, se nen C, je ne M; 4. ainz] CU, por qui M; 5. loie] MU, laissiet C; 6. que je ne puis mon cuer oster] U, ke je ne m'en puis conforteir C, que toz iriez m'estuet chanter M; 7. devroit] CU, puet bien M; 8. cler] CU, douz M.