| 138r | |
 |
Bertran de born. NOn estarai mon cha(n)tar non esparia. pus noc e non an mes foc e fach. sanc. egran guerra fa descas senhor larc. per que mi. play dels reys quan uey lur bom ba. ens hian ops pals e cordas e pon. ens hian trap tendut per fors iazer. ens ainassem amilhers (et) a cens. si qua pres non encha(n)t hom de la gesta. Anta la dutz e de pretz lo desca zia. guerra seluy que hom non troba franc. per que no uuelh lais caortz ni orlhac. mon oc e non p(us) tan sap de trastomba. sil bayl al rey lo thezaur de simon. de guer ra cor (et) aurian poder. tan les tre balhs e messios plazens. p(er) q(ue)ls amicx els enemicx tempesta. Colps nagra ieu receubiatz en mataria. e fag uermelh de mo(n) gonfainon blanc. mas per aisso men sofri e men parc. mon oc e non que abus darz mi plomba. e non es anieus li senhal nil ra(n) com. e non pues luenh osteyar ses auer. mas aiudar puesc a mos conoyssens. escut a col e ca pelh en ma testa. Sil reys felips la gues a sana maria. de san gisorc o crebat un estanc. quar quant intres tot p(er) forsa el parc. els assetges pel. pueg e per la comba. quom no(n) pogues traire breu ses colom. lai doncx uiram que feira aparer. al fach quar les lo sieu melhor |
 |
parens. quen fon polha e sam suenha conquesta. En nau en mar quant a p(er)du sabaria. (et) a mal temps que ua urtar al ranc. e cor pus tost du na sageta darc. e pueze naut e pueys en bas si plomba. notray tan mal (et) essai uostre com. cum fas per lieys que anc nom uolc tener. iorn ni respieg termenis ni couens. per que mos chans- on mielhs floris bissesta. |