| I | |
| Lo rossinhol sesbaudeya. iosta la fuelha el uerian. e pren men tan gran enueya. quieu non puesc mudar non chan. e no say de que ni de cuy. car yeu non am mi ni autruy. e fas esfors car say faire. bo u(er)s e no suy amaire. |
Lo rossinhol s’esbaudeya iosta la fuelha el verian, e pren m’en tan gran enveya qu’ieu non puesc mudar, non chan; e no say de que ni de cuy, car yeu non am mi ni autruy, e fas esfors car say faire bo vers, e no suy amaire. |
| II | |
| Mais a damor q(ue) domneya. ab erguelh ni ab e(n)ian. q(ue) cel q(ue) tot ior(n) merceya. nis uay trop humilian. a penas uol amors seluy. q(ue)s francy e fis si com ieu suy. so matout tot mo(n) afaire. car no soy fals ni trichaire. |
Mais a d’Amor que domneya ab erguelh ni ab enian que cel que tot iorn merceya ni’s vay trop humilian; a penas vol Amors seluy qu’es francy e fis, si com ieu suy. So m’a tout tot mon afaire car no soy fals ni trichaire: |
| III | |
| Catressi col ram sopleya. lay ol ue(n) lo uai mena(n). era ues lieys q(ue) guerreya. aclis p(er) far son talan. p(er) aisso ma folem destrui. do(n) a mal linhatie re duy. ams mos huelhs li don a traire. sautre tort me pot retraire. |
C’atressi col ram so pleya lay o’l ven lo vai menan, era ves lieys que guerrey, aclis per far son talan. Per aisso m’afol e’m destrui, (don a mal linhatie reduy), ams mos huelhs li don a traire, s’autre tort me pot retraire. |
| IV | |
| Nulhs homs no(n) dis q(ue) leys ueya. sos bels hu elhs ni son sembla(n). q(ue) digua q(ue)lh au(er) deya. felo(n) cor ni m(a)l talan. mas laigua q(ue) suau saduy. es peior q(ue) sela q(ue) bruy. cuiar fay q(ue)s debo(n) aire. semblal e no(n) o es gaire. |
Nulhs homs non dis que leys veya sos bels huelhs ni son semblan, que digua quelh aver deya felon cor ni mal talan; mas l’aigua que suau s’aduy, es peior que sela que bruy. Cuiar fay ques de bon aire semblal e non o es gaire. |
| V | |
| De totz locy on ilh sesteya. mi destuelh em uau lunhan. e p(er) so q(ue) no(n) la ueya. pas li mos huelhs claus denan. Ge(n) io- ga de mi es desduy. Cab eys lo sieu tort mi co(n)duy. |
De totz locy on ilh s’esteya, mi destuelh e’m vau lunhan, e per so que non la veya pas li mos huelhs claus denan. Gen ioga de mi e’s desduy, Cab eys lo sieu tort mi conduy. |
| B. de ue(n) ta dor(n) |
B. de Ventadorn |