| I | |
| Lo risignols sesbaudeia. josta la flor el uer jan. epren men tan granz enueia. qe no(n) puose mudar no(n) chan. enon sai de que- ni de cui. car eu no(n) am me ni autrui. efas esfors car sai faire bon uers eno(n) sui amaire. |
Lo risignols s’esbaudeia josta la flor el verjan, e pren m’en tan granz enveia qe non puosc mudar, non chan; e non sai de que ni de cui, car eu non am me ni autrui, e fas esfors, car sai faire bon vers, e non sui amaire. |
| II | |
| Mais adamor qui domneia. aborguoill (et) ab enian. que sels que tos tems merceia. Nis uai trop humilian. capenas uol amors celui. ques francs efis si com eu sui. so ma tot mo(n) affaire. qanc no(n) fui fals ni trichaire. |
Mais a d’Amor qui domneia ab orguoill et ab enian que sels que tos tems merceia ni’s vai trop humilian; c’a penas vol Amors celui qu’es francs e fis, si com eu sui. So m’a tot mon affaire q’anc non fui fals ni trichaire: |
| III | |
| Oatressi tol ram si pleia. lai ol uens lo uai me- Nan. era uaslei quem guerreia. aclis per far son coman. per aiso ma follem destrui. don amal lignaie redui. Cams los oill li don a- traire, sautre tort mi pot retraire. |
Oatressi tol ram si pleia lai o’l vens lo vai menan, era vas lei que’m guerreia, aclis per far son coman. Per aiso m’afoll’e’m destrui, (don a mal lignaie redui), c’ams los oill li don a traire, s’autre tort mi pot retraire. |
| IV | |
| Non es hom qui dellei ueia. la dreg cors nil bel semblan. que diga quella auerdeia. fellon cor ni mal talan. mas laiga que soan saidui. espeier qe sella que brui. enian fai qui de bon aire. sembla eno(n) oesgaire. |
Non es hom qui dellei veia la dreg cors nil bel semblan, que diga qu’ella aver deia fellon cor ni mal talan; mas l’aiga que soan s’aidui, es peier qe sella que brui. Enian fai qui de bon aire sembla e non o es gaire. |
| V | |
| De totz locs onil esteia. on destuoil em uau Loingnan. eperso que no(n) la ueia. pas li mos oills claus denan. jenioga de mi es desdui. cab eis lo sieus tortz mi conclui. et es uers tos temps qelaire. cuia tut sion siei fraire. |
De totz locs on il esteia, on destuoil em vau loingnan, e per so que non la veia pas li mos oills claus denan. Gen ioga de mi e’s desdui, cab eis lo sieus tortz mi conclui. Et es verstos temps qe laire cuia, tut sion siei fraire! |
| VI | |
| Ia no(n) er si tot mi greia. que greu mes caissim recre Ia. ni perga tan lonc affan. asos obs me gar de me strui. esino(n) em amic amdui. no(n) se(m) bla ni mes ueiaire. cautramors lo cor mesda ire. |
Ia non er, si tot mi greia, que greu m’es c’aissi’m recreia ni perga tan lonc affan. A sos obs me gard em estrui, e si non em amic amdui, non sembla ni m’es veiaire c’autr’Amors lo cor m’esdaire. |
| Bernartz del uentadorn, xuj. | Bernartz del Ventadorn, xuj |