| Rubrica | |
| Bertrans deborn. | Bertrans de Born |
| I | |
| NOn puosc mudar mon chantar non esparga. pois noc enon ant mes fuoc etraich sanc. Car grans ger ra fai descars seignor larc. p(er)qem plai ben dels reis auzir la bomba. Q(ue) naion ops paisson cordas epom. En sion trap tendut p(er) fors iazer. Enz encontrem a milliers (et) a cens.si capres nos encha(n)t hom puois degesta. |
Non puosc mudar mon chantar non esparga pois N'Oc-e-Non ant mes fuoc e traich sanc, car grans gerra fai d'escars seignor larc, per qe·m plai ben dels reis auzir la bomba, que n'aion ops paisson, cordas e pom, e·n sion trap tendut per fors jazer, e·nz encontrem a milliers et a cens, si c'apres nos en chant hom puois de gesta. |
| II | |
|
Qieu nagra colp receubut en ma tar
ga. Efaich uermeil demon go(n)fanon |
Q'ieu n'agra colp receubut en ma targa
e faich vermeil de mon gonfanon blanc; |
| III | |
| Sil reis felips nagues ars una bar- ga. denan guiortz o crebat un estanc. O aroam intres p(er) forssa elparc. Que la setges pel puoig ep(er)la comba.com non pogues traire breu ses colom.A- doncs sai eu qel uolgra far parer. Car- le que fon del mieills desos parens.per cui fon poilla esansoigna conq(ue)sta. |
Si·l reis Felips n'agues ars una barga denan Guiortz o crebat un estanc o a Roam intres per forssa el parc, que l'asetges pel puoig e per la comba c'om non pogues traire breu ses colom, adoncs sai eu q'el volgra far parer Carle, que fon de mieills de sos parens, per cui fon Poilla e Sansoigna conquesta. |
| IV | |
| Anta ladutz edepretz lo descarga. Ger- ra cellui cui hom entroba franc.p(er) qu(e) non cuich lais caortz nicaiarc.Mon oc enon pois tant sap detrastomba.sil reis li da lo thesaur de chinon.degerra a cor (e) auran pois poder.tant les tre- baills emessios plazens. q(ue) les amics els enemics tempesta. |
Anta l'adutz e de pretz lo descarga Gerra cellui cui hom en troba franc, per que non cuich lais Caortz ni Caiarc mon Oc-e-Non, pois tant sap de trastomba. Si·l reis li da lo thesaur de Chinon, de gerra a cor, e aura·n pois poder; tant les trebaills e messios plazens que les amics e·ls enemics tempesta. |
| V | |
| Anc naus demar qand a p(er)dut labar- ga. Et a mal temps eis uoluirar al ranc. Ecor plus fort duna saieta darc. Eis leua en aut epuois aual ios tom ba. non trais anc pieitz edirai uos co(m). Qieu fatz p(er)lieis que nom uol retener. q(ue) nom manten iorn terme ni coue(n)s. per q(ue) mos iois q(ue)rafloritz bisesta. |
Anc naus de mar, qand a perdut la barga et a mal temps eis vol virar al ranc e cor plus fort d'una sajeta d'arc, eis leva en aut e puois aval jos tomba, non trais anc pieitz, e dirai vos com, q'ieu fatz per lieis que nom vol retener, que nom manten jorn, terme ni covens, per que mos jois, qu'era floritz bisesta. |
| VI | |
| Vai siruentes ades tost ecorrens. atra inac sias anz delafesta. |
Vai, sirventes, ades tost e correns, a Trainac sias anz de la festa. |
| VII | |
| Dim an rotgier et a totz mos parens. q(ue) noi trob plus ombra ni olm ni resta. |
Di·m a·N Rotgier et a totz mos parens, que noi trob plus ombra ni olm ni resta. |