| Qant uei la laota mouer. Bernart daue(n)tador. D(e) joi sas alas (con)tralrai. Q(i) soblida es laissa caszer. D(e)ladouchor qalcor liuaj Ha co(m) grantz enveja m(en) ue D(e) cui q(ue) veja jauszio(n) Merauillas hai qar de se Lo cor d(e) d(e)szirer nom fon. |
|
| Ha(i) las ta(n) cutjaua saber. Damor eta(n) pauch ensai. Qez ieu damar nom pu osc tener. Celei don ja pro no hauraj. Tolt mha mo(n) cor etolt mha me. Esi metceis etot lomo(n). E qa(n)t sim tolg nom laisset re. Mas d(e)sirer ecor uolo(n). |
|
| Delas do(m)nas me d(e)sesper. Jamais en lors nom fiaraj. Qaissi co(m) las soill captener. Enaissi las d(e)scaptearrai. Puois uei quna pro nom te. Ues lei q(ue)m d(e)struj em co(n)fon. Totas las dopti elas mescre. Q(e) bessai qatrestals se]s[son. |
|
| Merce(s) es perduda per uer. Ez ieu no(n) o saubi ai(n)c mai. Q(e) cill q(i) pl(us) end(e)grhauer. Non ha ges. E on la q(ue)rraj Ha co(m) mal scembla qi la ue. Q(e) aq(e)st chaitieu d(e)siro(n). Q(e) ja ses lei no haurai be. Laisse morir q(e) no laon. |
|
| Pois amidonz nom pod ualer. Die(us) ni m(er)ces neldrech qieu hai. Ni alej no ue aplaszer. Qill mam jamais no loill diraj. Aissim part d(e)lei em recre. Mort mha epermort li respon. Euau men sella nom rete. Chaitius en eissil no sai on. |
|
| Anch no hagui d(e)mi poder. Ni no fui mie(us) d(e)slorenchaj. Qem laisset d(e)mos oillz ueszer. En un miraill q(i) mult me plaj. Miraill pois me mirei en te. Mha(n) mort li sospir d(e)preon. Qaissim perdej co(m) p(er)det se. Lo bel narcisus en la fon. |
|
| D(e)chos fai be Femna parer Mado(m)na p(er) qeu loil retraj. Q(e) so qho(m) uol no(n) uol uoler Eso qhom li deueda fai. Cauz soi en mala merce Ehai be fait co(m) fols e(n) pon Ni no(n) sai p(er) q(e) medeue Mas qar puiai trop (con)tra mon |
|
| Tristesa no aue de me Euau men ma(n)ritz no(n) sai on De chantar me toill em recre Edejoi edamor mescon. |