 |
| Jehans de renti. NEst pas sages ki emprent a amer en esperanche. kil ait ia alege ment de dolour ne de greuanche. camours li facent sentir. se che nest par bien mentir. kil est ensi. ke ia feme namera sen urai ami. Ie cuidai |
 |
| premierement q(ua)nt ie amai en menfanche. ke pour amer loiaument. pleusse a la bele franche (et) ke me vausist cierir. mais a che ne puis venir. kil est ensi. ke ia feme namera sen vrai ami. |
 |
| Amers ne me vaut noient car mis ma en oublianche. cele ki mart (et) esprent. grans anuis (et) mescheanche. li puist awan auenir. lie est ke me fait languir. kil est ensi. ke ia feme namera sen urai ami. |
 |
| Iai serui si longhement en pardon (et) en baanche. q(ue) ia guerredonement ne quic auoir neske- anche. trop est faus ki a seruir. se laist por amour seruir. kil est ensi. ke ia fe- me namera sen urai ami. |
 |
| Se iai parle folement ne dit nule outre quidanche. de feme ie men repent. mais ire (et) desesperanche ma fait auoir cest air. dont en- cor ne puis issir. kil est ensi. ke ia feme namera sen vrai ami. |