 |
Me Sire Morisses
de Creon
A
L entrant del douz termine. del tans
nouuel. que naist la flours en lespi-
ne. et cist oisel. chantent par mi la
gaudine. seri et bel. dont me rassaut
amours fine. dun tresdouz mal. quar
ie ne pens a rienz al. fors la v mes cuers
sacline.
|
|
|
D e li sunt tout mi consire. ne de
rien al. ala bele en cui se mire. mon
cuer loial. he; las ie ne li os dire. pour
nesun mal. quar tant redout lescon-
dire. que touz mi tal. beneoiz soit le
iournal. quele me voudra ocirre.
|
|
|
Onques dautre noi enuie. ne ie na-
urai. et se li miens cuers faunie. de
duel morrai. quar trop main greueuse
vie. des maus quen ai. he; las ele nes
set mie. ne ie ne sai. se ie iamaiz li di-
rai; bele ne mociez mie.
|
|
|
A touz les iours de ma vie. la serui-
rai. et serai en sa baillie. tant c(on) viurai.
ne ia de sa seignorie. ne partirai. et se
briement ne maie. trop grant mal
trai. maiz gueriz sui se ien ai; vn bel
samblant en ma vie.
|
|
|
C hancon va ten sanz demeure v douz
paiz. v mefi cuers cline. et aeure. soirs.
et mateins. trop par mi court li maus
seure. dont ie languis. he; dex. ver-
rai ie ia leure. cun tresdouz ris. puisse
auoir de son cler vis. qui si mocit et
akeure.
|
