|
Arnautz daniels. EN breu brisaral temps braus. Eill bisa busina els brancs. Qui sen tres seignon trastuich. Desobreclaus rams de fuoilla. Car noi chanta auzels ni piula. Menseigna amors qieu fassa a |
|
|
donc. tal chan q(ue)ner segons nitertz. Mas prims dafrancar cor agre. |
|
|
Amors es depretz laclaus. Edeproesa us estancs. Don naisson tuich libon fruich. Ses qui leialmens los cuoilla. Qun non delis gels nin muoilla. Mentre qel noi ris elbon tronc. Mas sil romp trafans ni culuertz. Mor tro leial lo sagre. |
|
|
Faillirs esmendatz es laus. Et eu senti(m) entrams los flancs. Q(ue) mais nai damor ses cuich. Q(ue) tals qen parla eis norgoilla. Q(ue) pieitz mifai alcor defriula. Mentrel lam fetz semblan embronc. Mais uol gra trair pena els desertz. On anc non ac dauzels agre. |
|
|
Bona doctrina esoaus. Ecors clars sotils efrancs. Mandamors abferm conduich. delieis donplus uuoill qem tuoilla. car sim fo fera (et) escuoilla. Er iauz eu breu iar temps lonc. Quil mes plus fina (et) ieu lieis sertz. Q(ue)talenta meleagre. |
|
|
Tant dopti que p(er) nonaus. deue(n)c souens niers eblancs. Simal sen desus fordug. non sap lo cors ois duoilla. Mas iois q(ue) desp(er) ma fuoilla. Mencolpa car nola so monc. P(er)qieu sui delprec tant espertz. De talen que nai nesmagre. |
|
|
Pensar delieis mes repaus. Etraga(m) ams los huoills crancs. Salieis uezer nols estuich. El cors non crezatz qe(n) duoilla. Car orars ni iocs ni uioila. Nom pot partir un trauers ionc. partir cai dig dieus tum somertz. Omperis enpeleagre. |
|
|
Arnautz uol sos chans sia ofertz. Lai on doutz motz mouenagre. |