| I | |
| Li tens deste (et) mais (et) uiolette. (et) rosignols me semo - nent damer. (et) mes fins cuers me fait dune amorette si dolz present que nel doi refuser. or me doint dex a tel honor monter. que cele ou iai mon cuer (et) mon panser. tengne une nuit entre mes braz nuette. ainz que ie uoise oltre mer. |
Li tens d'este et mais et violette et rosignols me semonent d'amer, et mes fins cuers me fait d'une amorette si dolz present que nel doi refuser, or me doint Dex a tel honor monter que cele ou j'ai mon cuer et mon panser tengne une nuit entre mes braz, nuette, ainz que je voise oltremer! |
| II | |
| Au (com)mencier la trouai si simplette q(ue) ne cuidai por li mal ìendurer. ses simples uis. (et) sa dolce boichette. (et) sei dolce boichet - te (et) sei uair oil bel (et) riant (et) cler. morent ainz p(ri)s q(ue) ne - mi soi doner. si /ne/ me uuet retenir naquiter. mielz uuel a li faillir se me promette ka une autre /a/chiuer. |
Au commencier la trovai si simplette que ne cuidai por li mal endurer, ses simples vis et sa dolce boichette et sei vair oil bel et riant et cler m'orent ainz pris que ne mi soi doner, si ne me vuet retenir n'aquiter, mielz vuel a li faillir, se me promette, k'a une autre achiver. |
| III | |
| De mil sospirs s q(ue) ie li doi p(ar) dette. ne me uuet ele .i. soul quitte cla - mer. ne false am(or)s ne uuet q(ue) sentremette de moi lassier dormir ne reposer. sele mocit saura moins a garder. ie ne men sai uengier fors qal plorer. car cui amors destruit (et) deserette. ne sen seit ou clamer. |
De mil sospirs que je li doi par dette ne me vuet ele .i. soul quitteclamer, ne false amors ne vuet que s'entremette de moi lassier dormir ne reposer; sele m'ocit, s'avra moins a garder, je ne m'en sai vengier fors q'al plorer, car cui amors destruit et deserette ne s'en seit ou clamer. |
| IV | |
| Deus si mar fu de mes euz regardee. la dolce riens q(ui) false amie at no(m). ele me rit (et) iai li tant ploreie. si dolcemant ne fu t(ra)iz nu(n)s hom. ta(n)t co(m) fui miens ne me fist se bien non |
Deus, si mar fu de mes euz regardee la dolce riens qui False Amie at nom! Ele me rit et j'ai li tant ploreie si dolcemant ne fu traïz nuns hom, tant com fui miens ne me fist se bien non. |
| V | |
| Mais or sui siens si mocit senz raison. (et) por itant que de cuer lai ameie. ni seit autre oquison. |
Mais or sui siens si m'ocit senz raison, et por itant que de cuer l'ai ameie n'i seit autre oquison. |