|
EN breu ar(naut)z. daniel.
brizal temps braus. el
bizel bruelhs nil bra(n)cx.
qui sentreceno(n) trastug.
de sobre claus rams de fuella. q(ua)r
no chantauzels ni pola. mense
nhamors quieu fassa donc. tal
chan que noer segons ni tertz.
ans prims de car franc coratge. |
|
|
Amors es de pretz la claus. e
de proeza us estancx. don nais
son tug libon frug. sies qui ley
almen los cuelha. que us non
delis gels ni mola. mentre q(ue)l
noms el bon tronc. mas sil ro(m)p
trefus ni culuertz. mor tro ley
al lo sagre. |
|
|
Falhirs e mandatz es laus.
|
|
|
(et) ieu sentim ambs los flancx. q(ue)
mais nay damor ses cug. q(ue) tals
quen parlen orguelha. q(ue) piegz
me fal cor de froylla. mentre q(ue)
lam fes semblant embronc. mais
uol grieu trair penael dezert. on
anc non ac dauzels agre. |
|
|
Bona dona e suaus. e cors ley
als suptils e francx. mandamor
al ferm condug. de leys don pl(us)
uuelh quem tuelha. quar sim
fera (et) escuelha. er iauzen breu
iam temps lonc. quilh mes pus
fina (et) ieu lieys sers. que talan
te meleagre. |
|
|
Gan dopti quieu per uos aus.
deuen souen uers e blancx. si
mal sen dezirs fors dug. non
sap lo cors trepes duella. mas
ioitz qui despen la fuelha. men
colpa quar no la somonc. per q(ue)
sui de precz tan espert. non ai
dels talan neys magre. |
|
|
Pensar de lieys mes repaus.
e traguam ambs los huelhs
crancx. sa lieys uezer nols estug.
el cor non creatz quen tuelha.
quar oras ni iocx ni uielha. no(m)
pot de lieys atrauers ionc. par
tir quai dig dieu tum somertz.
hom peris el peleagre. |
|
|
Arnautz uol sos chans sia u
fertz. lai on dous motz mou
en agre. ar(naut)z. daniel. |