[c. 299]
| Marcabraus Liuerns uai el temps saizina. e teuet deioil boisso e par laflors en laspina. don ses iauzon lauzelo. ai ia deue non damor gai. cus qecs uas sapar sa trai. hoc. segon. pla zen sacorina. |
| Lo freig frang e la bruina. contra la gentil sazo p(er)el plaise p(er) la gaudina. aug del chant. lacontezo aisi met detro bar emplai e dirai damor con uai. hoc sim uueil e con reuolina. |
[c. 300]
| Amars uai (et) ataina. tric ab coratge frico. duna uoluntat conina qe sen prem delfuec felon.ai non es nuls hom sej chai. da ueras o p(er) essai. hoc no(n) lais del pel en la razina. |
| So cembel mon cor. traina. de son agag al brico. cab sos pirar. Len raina entrebescat hoc ab no. ai. muen talan blanc. bru e bai. ab sa si fai no(n) farai hoc fai alfol maigrir leschina. |
| Bonamors porta meizina. p(er) guerir son compagnio. amar los senz disci plina. els met a p(er)dicio. ai. tan can lauers dura fai. alfolsemblan damor. ai. hoc. e cant la uers fail camina. |
| Domna no sap damor fina cama girbaut dinz maio. mas sa uoluntat mastina. con fai lebreu gozo. ai. daqi nassoil ric sauai. cus non fa condug ni plai. hoc. si con marcabraus declina. |
| Sou douz esta en la cozina. etocal fox. al tuzo. e beu lafum delazina.de si donz na bonailh fo. ai. eu sai co(n) soiorn e iai. e part lo gra el delai. hoc. hoc. so segnor en girbaudina. |
| Qui bon amor auezina. ni uiu de sa liurazo. honors e ualors laclina. e pretz senes ochaio. ai. talan si alclig uerai. e noil cal auer esmai. hoc. del trutdulurut naiglina. |
| Jamai no farai pleuina. eu p(er) la tropa. neblo. car sentensa folatina mante contra razo. ai q(ue)u dic e diz edirai. qes cas es (et)amor brai. hoc. e qi blasma amor bozina. |
| Qeu dic. e dis e dirai. qes cas es (et) amor brai hoc. eqi blasma amor bozina. |