[c. 298]
| E marchabrus Pos liuernz doguan es anatz. el douz temps floritz es uengutz de moutas guizas pels plaissatz. aug lo refrim. dauzelsmenutz li prat uert eil uerfier espes. man si fag ab ioi esbaudir. p(er)qem soi dechant entremes. |
| Totz lo segles es encombratz. p(er) un albreqei es nascutz. autz e granz. brancutz. e foilhatz. (et) amerauilha. cregutz. e a si tot lo mon p(er) pres. qe uas neguna part nom uir. no uei dels[2] rams dos o tres. |
| Em p(er)o aissi es leuatz. euas totas partz. espandutz. qe lai doutrals portz es passatz. en franza empeitau uengutz. qeu sai qel es. en tal de fes. e dic uer segon. mon albir. e tenra sa uerdor ja es. |
| E p(er)zo ses enraigatz. car greu sera mais abatutz qe la razitz. es maluestatz. p(er) qe iouens es confondutz. e tornas en tal contra pes. p(er) cels qel degro mantener. qe tan non cridon qeus lades. |
[c. 299]
| Merauil me de potestatz. on natanziouens e ncanutz. comtes e reis e amiratz. e princeps ablarbre pendutz mas lo latz es escar cedatz. qe lo fa si lo qol flaqir. cus non esperara mai ges. |
| Jouens fora bautz apellatz. ma ara es si recrezutz. qe ia maia non er tant onratz. p(er) qe iois li sia rendutz. ca uoleza la si conqis. canc despois non poc erebir. pos parti de lui drei ni fes. |
| Lonc temps a qe no fo donars. sai entrels baros mentagutz. faiditz es eloing issilhatz. en laion el es remasutz. e mar cabrus. mandail p(er) me salutz. e nol calgra ia tan fugir. qeia mai non sai sera pres. |
| Non puesc sofrir cals melloiratz. non digua los forfaigz saubutz. non sei la cals auctoritatz. lor demonstra. qesion dr semblan fan. del aze cortes. cab son segnor cuiet burdir. car lo ui trepar ab sos ches. |
| E daitals son en raiguatz. los fals els fals els deseubutz. p(er) los acrupitz penchenatz. qe totz dema ndon salutz. e demandon aqo p(er) ces cant nuls francs hom no(n) dec. fofrir cai tals guastaus fumos tengues. |