| I | |
| La douce uoix dou roisignor saluaige. ko nuit (et) ior coentoier (et) tentir. me radoucist mon cuer (et) rasuaige. lors ai talent ke chans por rebaudir. bien doi chanteir pues kil uient aplaixir. celi cui iai de cuer fait lige homaige. se doie auoir grant ioie en mon coraige. celle me ueult ason euls retenir. |
La douce voix dou roisignor salvaige k'o nuit et jor coentoier et tentir me radoucist mon cuer et rasuaige, lors ai talent ke chans por rebaudir, bien doi chanteir pués k'il vient a plaixir celi cui j'ai de cuer fait lige homaige, se doie avoir grant joie en mon coraige c'elle me veult a son euls retenir. |
| II | |
| Onkes uers li no faus cuer ne uolaige. se men deuroit por tant muelz auenir. ains lain (et) ser (et) a our per usaige se ne li os mon penseir descourir. car sa biaulteit me fait si ebahir. ke ie ne sai dauant li nul langaige. ne resgairdeir nos son simple uisaige. tant en redout mes eulz adepartir. |
Onkes vers li n'o faus cuer ne volaige, se m'en devroit por tant muelz avenir, ains l'ain et ser et aour per usaige, se ne li os mon penseir descovrir car sa biaulteit me fait si ebahir ke je ne sai davant li nul langaige, ne resgairdeir n'os son simple visaige tant en redout mes eulz a departir. |
| III | |
| Tant ai en li aissis mon fin coraige. kaillors ne pens (et) deus men doenst ioir. con kes tristans cil ki but lou bouraige. si couralment namait sens re pentir. ke gi mat tout cuer (et) cors (et) desir. sen (et) sauoir. ne sai se [fais fo - laige. aincor me dout ken trestout mon eaige. ne puisse aisseis li (et) samor seruir. |
Tant ai en li aissis mon fin coraige, k'aillors ne pens, et Deus m'en doenst joir! C'onkes Tristans, cil ki but lou bovraige, si couralment n'amait sens repentir, ke g'i mat tout: cuer et cors et desir, sen et savoir, ne sai se fais folaige, aincor me dout k'en trestout mon eaige ne puisse aisseis li et s'amor servir. |
| IV | |
| Ie ne dipais ke ie faice folaige. uis se por li me de - uoie morir. kel mont ne truiz tant belle ne si saige. ne nulle rien nest tant amon plaixir. m(ou)lt ain mes eulz ki me firent choisir. lues ke la ui li laissai en ostaige. mon cuer ki pues iait fait lonc estaige. ne iamaix ior ne lenquier departir. |
Je ne di pais ke je faice folaige, uis se por li me devoie morir, k'el mont ne truiz tant belle ne si saige, ne nulle rien n'est tant a mon plaixir; moult ain mes eulz ki me firent choisir, lués ke la vi li laissai en ostaige mon cuer, ki pués i ait fait lonc estaige, ne jamaix jor ne l'en quier departir. |
| V | |
| Chanson uai ten por faire mo(n) messaige. lai ou ie nos trestorneir ne guenchir. ke tant redout la ma - le gent ombraige. ki deuinent ains ke puist auenir. les biens damors deus les puist maleir. kamaint amant ont fait ire (et) outraige. maix de sai ieu toz iors mal auantaige. kil les mestuet sor mon greit obeir. |
Chanson, vai t'en por faire mon messaige lai ou je n'os trestorneir ne guenchir, ke tant redout la male gent ombraige, ki devinent ains ke puist avenir les biens d'amors, Deus les puist maleïr k'a maint amant ont fait ire et outraige! Maix de s'ai jeu toz jors mal avantaige, k'il les m'estuet sor mon greit obeir. |