| Li kastelains |
Li Kastelains
|
| I | |
| MA douce uois du louseignol sauuaige. koi nuit (et) iour chontro - ier (et) tentir. me radoucist mon chuer (et) rasouage. lor aitalent ke kant pour esbaudir. bien doi kanter puis kil uient aplasir celi qui iai de chuer fait lige oumage. si doi auoir grant ioie en monchorage sele me ueut ason oes retenir. |
Ma douce vois du louseignol sauvaige k'oi nuit et jour chontroier et tentir me radoucist mon chuer et rasouage, lor ai talent ke kant pour esbaudir, bien doi kanter puis k'il vient a plasir celi qui j'ai de chuer fait lige oumage, si doi avoir grant joie en mon chorage s'ele me veut a son oés retenir. |
| II | |
|
Onkes uers li noi faus chuer ne
uolage. si mendeueroit pour cou miex auenir. ains laim (et) serf (et) auour p(ar) usage. se ne li os mon penser des - chouurir. kar sa biautes me fait si esbahir. ke ie ne sai de uant linul langage nis resgarder nos son simple uiaire tant en redout mes ieus a departir. |
Onkes vers li n'oi faus chuer ne volage, si m'en deveroit pour çou miex avenir, ains l'aim et serf et avour par usage, se ne li os mon penser deschouvrir kar sa biautés me fait si esbahir ke je ne sai devant li nul langage, nis resgarder n'os son simple viaire tant en redout mes ieus a departir. |
| III | |
|
Tant ai enli ferm assis mon cho -
rage. kailleurs ne pens (et) diex men - laist goir. conkes tristrans cil ki but le beuraie. si coraument nama sans re pentir. ke gimet tout chuer (et) chors (et) desir. sens (et) sauoir nesai se fai folage. en cor me dout ken trestout mon eage. ne puisse asses li (et) samour seruir. |
Tant ai en li ferm assis mon chorage k'ailleurs ne pens, et Diex m'en laist goir! C'onkes Tristrans, cil ki but le bevraje, si coraument n'ama sans repentir, ke g'i met tout: chuer et chors et desir, sens et savoir, ne sai se fai folage, encor me dout k'en tréstout mon eage ne puisse assés li et s'amour servir. |
| IV | |
|
Iene di pas ke ie faice folage. nis se
pour li me deuoie morir. kel mont ne truis si bele ne sisage. ne nule rie(n)s nest tant amonplasir. m(ou)lt aim mes iex ki mifirent chosir. lues ke laui lilaisai enostage. mon chuer ke puis iafait lonc estage. ne ia - mais iour nelen qir dep(ar)tir. |
Je ne di pas ke je faice folage, nis se pour li me devoie morir, k'el mont ne truis si bele ne si sage, ne nule riens n'est tant a mon plasir; moult aim mes iex ki mi firent chosir, lués ke la vi li laisai en ostage mon chuer, ke puis i a fait lonc estage, ne jamais jour ne l'en qir departir. |
| V | |
|
Cancon uatent pour faire mon
mesage. la uienos trestourner ne guencir. ke tant redout lamale ge(n)t ombrage. ki deuienent ains kepuist auenir. les damours diex lespuist maleir. ka maint amant ont fait ire (et) outrage. mais de cai iou tou iours male auantage. kil le mestuet sus mengre obeir. |
Cançon, va t'ent pour faire mon mesage là u je n'os trestourner ne guencir, ke tant redout la male gent ombrage, ki devienent ains ke puist avenir les d'amours, Diex les puist maleïr, k'a maint amant ont fait ire et outrage! Mais de c'ai jou toujours male avantage k'il le m'estuet sus men gré obeir. |