 |
| Crestijens de troies DAmour ki ma tolu a moi. na soi ne me ueut retenir. me plaig ie si cades otroi que de moi face son plaisir. (et) iou ki ne puis taisir. que ne me plaig- ne (et) di pour coi. q(ua)nt cels ki le traissent voi. souent a lour ioie venir (et) gi fal par ma bone foi. |
 |
| Samours pour essaucier sa loi. veut ses ane mis c(on)uertir. de sens li moet si c(on) ie croi. ca siens ne poet ele faillir. (et) ie ki ne me puis partir. de celi vers cui me souploi. mon cuer ki siens est li enuoi mais de noient le quit seruir. q(ua)nt ce li rent q(ue) iou li doi. |
 |
| Dame douce q(ue) vos hom sui dites moi se gre me saues. nenil uoir sonques vos conui. ains vos poise que vos maues. (et) puis q(ue) vos ne me voles dont sui ie uostres par anui. mais se ia deues de nului merci auoir. si me sousfres. car ie puis seruir autrui. |
 |
| Onques de boeurage ne bui dont tristans fu empuisones. mais plus me fait amer q(ue) lui fins cuers (et) bone volentes. si en doit estre miens li gres. cainc de riens efforcies nen fui. fors tant q(ue) les mieus ex enqui. par qui sui en la uoie entres. dont ia nistrai. nainc recrui. |
 |
| Merci trouasce au mien quidier sele fust en tout le compas. del monde la ou ie la quier. mais ie croi q(ue)le ni est pas. car ainc ne fui faintis ne las de ma douce dame proier. proi (et) re- proi sans recourier. si con cil ki ne set agas amors seruir ne losengier. |
 |
| Cuers se ma dame ne ta chier. ia mar por cou ten partiras tous iours soies en son dan- gier. puis quempris (et) c(on)mencie las. ia mon los plente nameras. ne pour chier |
 tans ne tesmaier. biens amenrist par delaier. (et) q(ua)nt plus desire laras. plus tenert douls a assaier. |