| I | |
| Puis q(e)jou sui de lamon reuse loi- q(e) j(esu) cris vaut croistre (et) essaucier – qant par amours ̷ fist de son cors enuoi-pour nous sauuer moi voel es leechier- or de uons proiier - adieu leroi de lassus- q(i)uaut descendre ca jus- pour nous faire haut monter q(e) li nous doint siamer- q(e) nous soit recus- |
Puis qe jou sui de l'amonreuse loi |
| II | |
| Il fu recus disnement (et) en foi en lauierge-qant jl siuaut lo gier -(et) jl iuint humlement en recoi-en volente desesamis aidier- sans li empirier fu.ix. mois en li repus – ancois kil en fust issus - ent jl prisa li armer – car(et) sanc pour racater – tous ses loiaus drus- |
Il fu reçus disnement et en foi en la vierge, qant Il si vaut logier; et Il i vint humlement en recoi en volente de ses amis aidier sans li empirier. Fu .ix. mois en li repus ançois k'il en fust issus ent Il pris a li armer car et sanc pour racater tous ses loiaus drus. |
| III | |
| Armes senfu si ala eltournoi - vil soufri sesarmes de pechier - sadigne car percierent li clau troi- pour sesmenbres en lacrois atacier- pour nous calengier- fu el cors amort ferus- la fuses sans espan dus-dont bien nous doit ramen brer- car pour pechies essorber- fu en crois pendus- |
Armes s'en fu si ala el tournoi u il soufri ses armes de pechier; sa digne car percierent li clau troi pour ses menbres en la crois atacier. pour nous calengier fu el cors a mort ferus. La fu ses sans espandus dont bien nous doit ramenbrer car pour pechies essorber fu en crois pendus. |
| IV | |
| Mout doit pecies estre hais de moi – qant apendre fist men pere jugier – (et) sen samble nous teno(n)s ambe doi – me doit mes peresam(er) netenir chier – ains men doit ta cier hors de ses biens m(ou)lt ensus- sen nul pechie demeur plus j(es)u crist adosser – jeni voel plus demourer sine face nus- |
Mout doit pecies estre hais de moi qant a pendre fist men pere jugier, et s'en samble nous tenons ambedoi: me doit mes peres amer ne tenir chier? Ains m'en doit cacier hors de ses biens moult ensus. S'en nul pechie demeur plus [a?] Jesu Crist adosser, je n'i voel plus demourer, si ne face nus. |
| V | |
| Bjen est entres de bome amour el ploi – q(i)de sen gre veut les pe cies laissier – poureuc q(e)uraie ̷ re p[o/a/e]rtance ait en soi de cou ko(n) kes osa dieus courecier – ali jus ticier doit estre en volente mus- cis biens liert mieus rendus q(e) ̷ cuers ne porroit penser - qant venra same tenser – li dous rois j(es)us |
Bien est entres de bone amour el ploi qi de sen gre veut les pecies laissier pour euc qe vraie repentance ait en soi de cou k'onkes osa Dieus courecier a li justicier doit estre en volente mus. Cis biens li ert mieus rendus qe cuers ne porroit penser qant venra s'ame tenser li dous rois Jesus. |
| VI | |
| Maugre lauresier mandons la dame salus q(i)nous puet armes li urer – pour lanemi afoler – si kil est vencus - |
Maugre l'Avresier mandons la dame salus qi nous puet armes livrer pour l'anemi afoler si k'il est vencus. |