| I | |
|
Auous amanz plus qua
nule autre gent; est bien re son que ma dolor conplaigne. quant il mestuet partir ou treement; et deseurer de ma loial conpaíngne. et se la pert nest riens quí me remaíngne. et sachiez bien amors uraiem(en)t. se nus morust pour auoir cuer - dolent; iames par moi níert leuz uers ne lais. |
A vous, amanz, plus qu'a nule autre gent est bien reson que ma dolor conplaigne quant il m'estuet partir outreement et desevrer de ma loial conpaingne et, se la pert, n'est riens qui me remaingne et sachiez bien, Amors, vraiement, se nus morust pour avoir cuer dolent, jamés par moi n'iert leuz vers ne lais. |
| II | |
|
Ahi am(or)s
qiert il donc et conment; cou - uendra il qua la fín congie praíngne. oil certes ne peut estre autrement; aler mestuet morir en terre estrange. et si ne cuít que dolor mí sousfraig - ne. quant de cest mal nen ai ale - gement. ne de nuluí guerre don nen atent; fors que de li ne sai se ciert iames. |
Ahi Amors! Q'iert il donc? Et conment couvendra il qu'a la fin congié praingne? Oïl certes, ne peut estre autrement, aler m'estuet morir en terre estrange! Et si ne cuit que dolor m'i sousfraigne quant de cest mal nen ai alegement, ne de nului guerredon nen atent fors que de li, ne sai se c'iert jamés. |
| III | |
|
Par
dieu amors grief mest aconsí eurrer; le grant solaz et la grant conpaigníe. et le dedu it quel mí soloit moustrer; cele quí míert et madame et mamíe. et quant recort sa si(n) ple cortoisie. et les douz moz que sueil ali parler. conme(n)t me puet le cuer el cors durer; quant ne me part certes m(ou)lt est mauues. |
Par Dieu, Amors, grief m'est a consieurrer le grant solaz et la grant conpaignie et le deduit qu'el m'i soloit moustrer, cele qui m'iert et ma dame et m'amie, et, quant recort sa sinple cortoisie et les douz moz que sueil a li parler, conment me puet le cuer el cors durer? Quant ne me part, certes moult est mauvés. |
| IV | |
|
Ne ma dont
dex par droit noient done; trestouz les bien qaí eu en ma uíe. aínz les ma fet chierement conperer; quant il mestuet de - partir de mamíe. mercí lí crí quaínz ne fis uílaníe. car uílai(n)s fet bone amor deseurer. ne de mo(n) cuer ne puís samor oster; si me couuíent que ie mamie les. |
Ne m'a dont Dex par droit noient doné tréstouz les bien q'ai eü en ma vie, ainz les m'a fet chierement conperer. Quant il m'estuet departir de m'amie merci li cri, qu'ainz ne fis vilanie car vilains fet bone amor desevrer, ne de mon cuer ne puis s'amor oster, si me couvient que ie m'amie lés. |
| V | |
|
Ie men uois dame adieu le
críator; uous conmant ie q(ue)l que lieu que ie soie. car ie men uois corociez et dolenz; et sí ne cuít que iames uous reuoie. mo(n) cuer auez en la uostre manoie. fere en poez du tout uostre con - mant. ma douce dame a ih(es)u uos conmant. ie nen puís mes cer - tes se ie uous les. |
Je m'en vois, dame, a Dieu le Criator vous conmant je, quelque lieu que je soie, car je m'en vois corociez et dolenz et, si ne cuit que jamés vous revoie, mon cuer avez en la vostre manoie, fere en poez du tout vostre conmant. Ma douce dame a Ihesu vos conmant, je n'en puis més, certes, se je vous lés. |