| I | |
|---|---|
|
Ioliuetes (et) jonenece (et) am(ours)
|
Jolivetés et jonece et Amours ausi me font canter sans perece con loial ami et rekier merchi, ma dame en cantant, car mestier en ai si grant que jou criem morir, mais mieus aim ces maus sousfrir que d'amer recroie. |
| II | |
|
Dame detres grant hauteche |
Dame de tres grant hauteche plus que jou ne di, se pités en vous n'adrece dont m'ont bien traï mi oel, dont je vi vo cors l'avenant. Las, je vois çou desirant dont ne puis joïr, n'amours ne veut consentir que d'amer recroie. |
| III | |
| Bien sai q(ue) dema tristece sont bien es joi felon plain demale teche denuie garni trop mont assailli felon mes disant mais janemi saront tant greuer par mentir nenuers madame nuisir q(ue) damer recroie |
Bien sai que de ma tristece sont bien esjoï felon plain de male teche, d'envie garni; trop m'ont assailli felon mesdisant, mais ja ne mi saront tant grever par mentir, n'envers ma dame nuisir, que d'amer recroie. |
| IV | |
| F ole gent plaine doutraie ja pour uo jengler ne lairai mon bon usaie dema dame a mer jelaim sans ghiller (et) sans remouuoir or li doint dix perceuoir cou qen sa prison lai(m) mieus seruir en pardon q(ue)dam(ours) recroie |
Fole gent plaine d'outraje, ja pour vo jengler ne lairai mon bon usaie de ma dame amer; je l'aim sans ghiller et sans remouvoir. Or li doint Dix percevoir çou: q'en sa prison l'aim mieus servir en pardon que d'amer recroie. |
| V | |
| Dame ki jai fait houmaie uoeilliesme douner joie sans u(estr)re arieraie car li maus dam(ours) nemi laist durer tant me fait doloir (et) saim trop mieus aueoir ma destruicion q(ue) faire tel desraison q(ue) damer recroie |
Dame ki j'ai fait houmaje, voeilliés me douner joie sans vestre arieraje; car li maus d'amer - ne m'i laist durer - tant me fait doloïr. Et s'aim trop mieus aveoir ma destruicion que faire tel desraison que d'amer recroie. |
| VI | |
| oir faic demon cant rece uoir (et) par ma cancon di q(ui)lnait entencion q(ue)damer recroie |
oir faic de mon cant recevoir et par ma cançon di qu'il n'ait entencion que d'amer recroie. |