Revisione di Edizione diplomatica del Mer, 30/05/2018 - 19:30

Lautrier cheuau
choie delez paris;
trouuai pastorele gardant
berbiz. descendi a terre lez
li massis; et ses amoretes

ie li requis. il me dist biau sire
par saint denis. iaim plus biau
de uous et mult melz apris. ja
tant conme il soit ne sainz ne
uis; autre namerai ie le uos
pleuis. car il est et biax et cor
tois et senez. Dex ie sui io
nete et sadete et saim tez qui
iones est et sades et sages assez.

Robin matendoit en un ualet.-
par ennui sassist lez un buisso-
net. qil sestoit leuez trop ma-
tinet; pour coillir la rose et
le musguet. sot ia asamie fet
chapelet; et a soi un autre tout
nouuelet. et dist ie me muir
bele en son sonet; se plus

uif ne mi trouuerez. tres dou-
ce damoisele uous mocirrez se
uous uoulez. Quant el loi si
desconforter; tantost uint ali
sanz demorer. qui lors les ueist
ioie demener; robin debruisier (et)
marot baler. lez un buissonet
salerent ioer; ne sai qil ifirent
nen qier parler. mes ni uoudre(n)t
pas granment demorer; ainz se
releuerent pour melz noter ceste
pastorele. validoriax lidoriaxlai
rele. Ie marestai donc iluec
endroit; si ui la grant ioie que
cil fesoit. et le grant solaz que il
demenoit; qui onques amors
ser uies nauoit. et dis ie maudi
amors orendroit; qui tant mont
tenu lonc tens adestroit. ges ai
plus seruies qonme qui soit; no(n)
ques nen oi bien sinest ce pas d(ro)it
pour ce les maudi. malehonte
ait il qui amors parti quant gi
ai failli. Desiloig con li berg(er)s
me uit; sescria mult haut et si
me dist. alez uostre uoie por ih(es)u-
crist. ne nos tolez pas nostre de-
duit. iai mult plus de ioie et de
delit que li rois de france nen a
ce cuit. sil a sa richece ie la
li cuit. (et) iai mamiete et ior et nu-
it. ne ia ne departiron. Dancez
bele marion. ia naim ie riens
se uous non.