[p. 20]
 |
Mout me plaisent a sentir. li ioli tourment don amours me fait languir. sauereusement. pour la bele a cui me rent ligement. |
[p. 21]
 |
| sui siens sans ia departir. si com ie laim men doinst amours ioir. Trop miex uaurroie morir ke la boin talent. damours mesteust guer pir. ie ne uoi comment. nus ait ioie sil nemprent hardement. de loial amour seruir. pour cou mi tieng ke boin si fait tenir. Cascuns se doit enhardir damer loiaument. (et) endurer (et) soffrir debonairement. quanques boine amours consent. car plus rent. ke ne sacent deser uir. cil ki de cuer otroient son plaisir. Dame ki le cuer aues dont ia fui saisis. proi uous ke cesoit uos gre kamours lait assis. en uous ia nen iert uos pris amenris. (et) se gi sui oublies. bien uous ensoit li meffais pardounes. Comment ke soie menes dame de haut pris. ia niert de moi deseures li pensers iolis. ke iai destre fins amis. car toudis ert amours (et) loiaute. en moi comment ke de uous soie ames. |