| I | |
|---|---|
| Mout me plaisent a sentir li joli tourment dont Amours me fait languir savereusement pour la bele a qui me rent ligement. Sien sui sans ja de partir: si con je l'aim, m'en doint Amours joir. |
|
| II | |
| Trop mieus vauroie morir que le bon talent d'amours m'esteust guerpir. Je ne voi coument nus ait joie s'il n'enprent hardement de loial Amour servir: pour che m'i tieng, que boin s'i fait tenir. |
|
| III | |
| Cascuns se doit enhardir d'amer loiaument et endurer et soufrir debonairement, car plus rent qui ne sacent deservir cil ki de cuer otroient son plaisir. |
|
| IV | |
| Dame qui le cuer aves dont ja fui saisis, proi vous que ce soit vos gres k'Amours l'ait assis en vous: ja n'en ert vos pris amenris , et se g'i sui oublie, bien vous en soit li mesfais pardounes |
|
| V | |
| Coument que soie menes, dame de haut pris, ja n'ert de moi desevres li pensers jolis que j'ai d'estre fins amis, car toudis ert amours et loiautes en moi, coument que de vous soiies ames. |
|