[c. 237]
Colin
Muset
Sire cuens iai uiele de
uant uous en uostre ostel.
sine mauez tiens done. ne
mes gages aquite. cest uila-
nie foi que doi saint ma-
rie. ensi ne uous sieurre
mie. maumosniere est mal
[c. 238]
garnie. et ma boursse mal farsie.
Sire cuens car conmandez.
de moi uostre uolente. sire sil
uous uient agre. un biau don
car me donez. par courtoisie. car
talent ai nen doutez mie. dera
lera ma mesnie. quant gi uo-
is boursse desgarnie. ma fame
ne me rit mie. Ainz me
dit sire engelez. en quel terre
auez este. qui nauez rienz con
queste aual la uille. uez com uo
stre male plie. ele est bien de
uent farsie. honiz soit qui a
enuie. destre en uostre conpa-
ignie. Quant ie uieng a
mon ostel. et ma fame aregar-
de. derrier moi le sac enfle.
et ie qui sui bien pare. dero
be grise. sachiez quele a tost
ius mise. la conoille sanz fa
intise. ele me rit par franchi-
se. ses deus braz au col me plie.
Ma fame ua destrousser.
ma male sanz demorer. mon
garcon ua abuurer. mon che-
ual et conreer. ma pucele ua
tuer deus chapons pour depor
ter. ala iansse alie ma fille
maporte un pigne. en samai(n)
par cortoisie. lors sui de mo(n) ostel
sire. am(ou)lt grant ioie sanz ire. |
