| I | |
|
La douce uoiz du rosig -
nol sauuage; quoi nuít etior coíntoier et tentír. me radoucist mon cuer et mon corage; lors aitalent quecha(n)t pour esbaudír. bien doit chant(er) - puís qil uíent a plesír. cele quí iai de cuer fet lige honmage. si doi auoir grant ioie en mon corage; sele me/ve/ut ason oes re tenir. |
La douce voiz du rosignol sauvage qu'oi nuit et jor cointoier et tentir me radoucist mon cuer et mon corage, lors ai talent que chant pour esbaudir, bien doit chanter puis q'il vient a plesir cele qui j'ai de cuer fet lige honmage, si doi avoir grant joie en mon corage s'ele me veut a son oés retenir. |
| II | |
| Onques uers li noi faus cuer ne uola ge; si me deust por ce melz auenír. aínz laím et serf et aor par usage; si ne li os mon penser descouurír. car sa biaute me fet si esbahir. q(ue) ie ne sai deuant li nul langa ge. ne regarder nos son símple uísage; tant enredout mes euz adepartír. |
Onques vers li n'oi faus cuer ne volage si me deüst por ce melz avenir, ainz l'aim et serf et aor par usage si ne li os mon penser descovurir car sa biauté me fet si esbahir que je ne sai devant li nul langage, ne regarder n'os son simple visage tant en redout mes euz a departir. |
| III | |
| Tant ai en li ferm assis mon corage; quailleurs ne pens et dex men dont íoír. conques tristans cil quí but le buurage; si coriaument na ma sanz repentir. car gí met tot cuer (et) cors et desír. sens et sauo - ir ne sai se faz folage; ancois me dout quen trestout mon aage; ne puisse li ne samor deseruír. |
Tant ai en li ferm assis mon corage qu'ailleurs ne pens et Dex m'en dont joir! C'onques Tristans, cil qui but le buvrage, si coriaument n'ama sanz repentir car g'i met tot cuer et cors et desir, sens et savoir, ne sai se faz folage, ancois me dout qu'en trestout mon aage ne puisse li ne s'amor deservir. |
| IV | |
| Ie ne di pas que ie face folage; nes se pour lí me deuoie morír. quel mont ne truís si bele ne si sage; ne nule riens nest tant amon plesír. mult aím mes euz quí me fírent choisír. lues que la uí li lessai en ostage; mon cuer quí puís ia fet lonc estage; ne iames ior ne len qier departír. |
Je ne di pas que je face folage nes se pour li me devoie morir qu'el mont ne truis si bele ne si sage ne nule riens n'est tant a mon plesir, mult aim mes euz qui me firent choisir, lués que la vi li lessai en ostage mon cuer qui puis i a fet lonc estage ne iamés jor ne l'en qier departir. |
| V | |
| Chancon ua ten pour fere mo(n) mesage; la ou ie nos trestorner ne guenchir. que tant redout la male gent honbrage; quí deuínent aínz que puíst aue - nír. le bien damors dex les puíst maleir. qua maínt amant ont fet ire et outrage. mes de ce ai ie touz iorz mal auantage; qil les mestuet seur mon cuer obeir. |
Chancon, va t'en pour fere mon mesage la ou je n'os trestorner ne guenchir que tant redout la male gent honbrage qui devinent ainz que puist avenir le bien d'amors, Dex les puist maleïr, qu'a maint amant ont fet ire et outrage! Més de ce ai je touz jorz mal avantage q'il les m'estuet seur mon cuer obeir. |