Tu sei qui

Revisione di Edizione diplomatico-interpretativa del Mar, 01/05/2018 - 18:44

	I
li chastela íns de cou ci La douce uoiz du rosig - nol sauuage; quoi nuít et ior coíntoier et tentír. me radoucist mon cuer et mon corage; lors aitalent quecha(n)t pour esbaudír. bien doit chant(er) - puís qil uíent a plesír. cele quí iai de cuer fet lige honmage. si doi auoir grant ioie en mon corage; sele me/ve/ut ason oes re tenir.
	II
Onques uers li noi faus cuer ne uola ge; si me deust por ce melz auenír. aínz laím et serf et aor par usage; si ne li os mon penser descouurír. car sa biaute me fet si esbahir. q(ue) ie ne sai deuant li nul langa ge. ne regarder nos son símple uísage; tant enredout mes euz adepartír.
	III
Tant ai en li ferm assis mon corage; quailleurs ne pens et dex men dont íoír. conques tristans cil quí but le buurage; si coriaument na ma sanz repentir. car gí met tot cuer (et) cors et desír. sens et sauo - ir ne sai se faz folage; ancois me dout quen trestout mon aage; ne puisse li ne samor deseruír.
	IV
Ie ne di pas que ie face folage; nes se pour lí me deuoie morír. quel mont ne truís si bele ne si sage.ˇ ne nule riens nest tant amon plesír. mult aím mes euz quí me fírent choisír. lues que la uí li lessai en ostage; mon cuer quí puís ia fet lonc estage; ne iames ior ne len qier departír.
	V