| Li chastelains | Li Chastelains |
| I | |
| EN auenture comenc ma daerraine cancon. si ne sui lies ne dolens Si ne sai se viue ou non. ou se iai tort ou raison. ou se iaim ou cest noie(n)s mais itex est mes talens. ke sans nule repentance pens ala millor de france |
En aventure començ ma daerraine cançon, si ne sui liés ne dolens, si ne sai se vive ou non, ou se j'ai tort ou raison, ou se j'aim ou c'est noiens, mais itex est mes talens ke sans nule repentance pens a la millor de France. |
| II | |
| Et li tres dous pensemens da sa tres clere faicon. me fait re nouellemens. de toute ioie sans non. mais tant enquierent felon losengier (et) males gens. mais ensi lai enporpens. ke por mal ne por greuance ne saront ma mes estance. |
Et li tres dous pensemens da sa tres clere faiçon me fait renovellemens
de toute joie sans non,
mais tant enquierent felon,
losengier et males gens,
mais ensi l'ai en porpens ke por mal ne por grevance
ne saront ma mesestance.
|
| III | |
| Ainc namai arepen tir ne ia ne len quier sauoír. ains ai mis ens li seruir cuer (et) cors force (et) pooir. (et) sele me fait doloir bien le me porra merir. kele a pooir daco(m) plir mon voloir tote ma vie. ma tres douce chiere amie |
Ainc n'amai a repentir
ne ja ne l'en quier savoir,
ains ai mis ens li servir cuer et cors, force et pooir
et, s'ele me fait doloir,
bien le me porra merir
k'ele a pooir d'acomplir
mon voloir tote ma vie, ma tres douce chiere amie.
|