| I | |
|---|---|
| Anuis et de sesperance mont fait targier de chanter. Or ai une ramemembrance qui me fait ratalenter de chancon trouuer pour la belle que ia our . qui sur toute a biaute et ualour . |
Anuis et desesperance m'ont fait targier de chanter. Or ai une ramemembrance qui me fait ratalenter de chancon trouver pour la belle que i'aour, qui sur toute a biaute et valour. |
| II | |
| Sitost com uoi sa semblance son tres bel uiare cler (et) sa belle contenance que tout le mont doit louer couui(n)t ali demourer mon cuer sans retour dont ie merci souuent loial amour . |
Si tost com voi sa semblance, son tres bel viaire cler et sa belle contenance que tout le mont doit louer couvint a li demourer mon cuer sans retour, dont ie merci souvent loial Amour. |
| III | |
| Certes chierement mauence bonne endous parler. q(ua)nt dame de tel uaillance me fait seruir et amer (et) si bel penser q(ui)l me uient (et) nuit (et) iour me font sentir mal de douce sauour. |
Certes chierement m'avence bonne en dous parler quant dame de tel vaillance me fait servir et amer et si bel penser qu'il me vient et nuit et iour me font sentir mal de douce savour. |
| IV | |
| Madame en tel doutance que a li ne mos doulousser dela moureusse grauance qui souuent mi fait plourer . et ioie mener de ma mesestance pour li chant de ce que ie laing sanz folour. |
Ma dame en tel doutance que a li ne m'os doulousser de l'amoureusse gravance qui souvent mi fait plourer et ioie mener. De ma mesestance pour li chant de ce que ie l'aing sanz folour. |
| V | |
| Amours si com iai uoeillance de madame foi porter me uoeillies douner ioie uo(us) par uos poissance. que pour moi reconforter me uoeilliez douner ioie sanz des honneur ia ne la quier auoir par autre tour. |
Amours, si com i'ai voeillance de ma dame foi porter, voeillies vous par vos poissance que pour moi reconforter me voeillies douner ioie sanz deshonneur, ia ne la quier avoir par autre tour. |