| I | |
|---|---|
|
Amours est une merueille dont on se doit merueillier. nus ne sen set conseillier. et cil qui plus senconseille mains enset q(ua)nt il est pris. ien cuidai auoir apris. q(ua)nt que nus en peut aprendre. (et) si ne men sai deffendre. |
Amours est une merveille dont on se doit merveillier. Nus ne s'en set conseillier et cil qui plus s'en conseille mains en set quant il est pris. J'en cuidai avoir apris quant que nus en peut aprendre et si ne m'en sai deffendre.
|
| II | |
|
Sensoupir souuent (et) ueille . q(ua)nt amours mi fait ueillier. plour(er) (et) agenoillier. (et) q(ua)nt ie plus et q(ua)nt plus magenoille. deuant la belle aucler uis. lor sui si esbahis. que ne li sai raison rendre. dont elle me ueulle entendre. |
S'en soupir souvent et veille quant amours mi fait veillier, plourer et agenoillier et quant ie plus m'agenoille devant la belle au cler vis, lor sui si esbahis que ne li sai raison rendre dont elle me veulle entendre. |
| (R) III | |
|
Nulle riens ne sa pareil le. la ou amours ueut aidier. (et) qui nen set le mest(ie)r. drois est que damours se dueille. giauoie mon cuer mis. (et) cuidai b(ie)n estre amis. mes el nemi ueut entendre. si me conuendra atendre. |
Nulle riens ne s'apareille la ou Amours veut aidier et qui n'en set le mestier drois est que d'amours se dueille. G'i avoie mon cuer mis et cuidai bien estre amis, mes el ne mi veut entendre si me convendra atendre. |
| (R) IV | |
|
Ie dor petit (et) soumeille. ainz sui (com)me au defenir. aces maus mi fait uenir. fine amour la no(n) pa reille. dumont qui mi fait mourir. si ne li sai rie(n)s gehir dont ma dolour feist mendre. jai pis que cil conua prendre. |
Ie dor petit et soumeille, ainz sui comme au defenir. A ces maus mi fait venir fine Amour la nonpareille du mont qui mi fait mourir, si ne li sai riens gehir dont ma dolour feist mendre: j'ai pis que cil c'on va pendre. |
| (R) V | |
|
Co(m)ment que amours ma cueille ie soufferrai entel point. et fausete ne ferai point nest pas amis qui sorguille. je seruirai (com) me amis. car piece a q(ue)iai apris nus ne doit seruice rendre. deriens q(ui) il ueulle emprendre. |
Comment que Amours m'acueille, ie soufferrai en tel point et fausete ne ferai point; n'est pas amis qui s'orguille, je servirai comme amis car piece a que i'ai apris. Nus ne doit service rendre de riens qui il veulle emprendre. |