| I | |
|---|---|
| Lettera iniziale |
Amours est une merveille dont on se doit merveillier. Nus ne s'en set conseillier et cil qui plus s'en conseille mains en set quant il est pris. I'en cuidai avoir apris quant que nus en peut aprendre et si ne m'en sai deffendre. |
| II | |
| Lettera iniziale |
S'en soupir souvent et veille quant amours mi fait veillier, plourer et agenoillier et quant ie plus et quant plus m'agenoille devant la belle au cler vis, lor sui si esbahis que ne li sai raison rendre dont elle me veulle entendre. |
| III | |
| Lettera iniziale |
Nulle riens ne s'apareille la ou Amours veut aidier et qui n'en set le mestier drois est que d'amours se dueille. G'i avoie mon cuer mis et cuidai bien estre amis, mes el ne mi veut entendre si me couvendra atendre. |
| IV | |
| Lettera iniziale |
Ie dor petit et soumeille, ains sui comme au defenir. A ces maus mi fait venir fine Amour la nonpareille du mont qui mi fait mourir, si ne li sai riens gehir dont ma dolour feist mendre: j'ai pis que cil c'on va pendre. |