| I | |
| A ncontre le tens novel. ai le cuer gai (et) inel. a termine de pascor. lors ueul faire un triboudel. car iam m(u)lt tribu martel. brut (et) bernai- ge (et) baudor. (et) q(ua)nt ie suis en chaistel. plain de ioie (et) de riuel. lai ueul estre (et) nuit (et) ior. triboudaine. (et) triboudel deus confonde le Musel. ki naime ioie (et) baudor. |
Ancontre le tens novel ai le cuer gai et inel a termine de pascor; lors vueil faire un triboudel, car j'aim molt tribu martel, brut et bernaige et baudor; et quant je sui en chastel plain de joie et de rivel, la vueil estre et nuit et jor. Triboudaine et triboudel! Deus confonde le musel qui n 'aime joie et baudor! |
| II | |
| D e toute ioie mest bel. (et) q(ua)nt ioi lou Flaihutel. soneir aueuc la tabor. damoiselles (et) donzel. chantent (et) font g(ra)nt ioie (et) baudor. riuel. chascuns ait chaipel de flour. (et) uerdure (et) broudelz (et) li douls chans des oixels. me remet en g(ra)nt badour. triboudai(n)ne tribou - del. plux seux lies per saint marcel. ke teils ait chaistel ou tour. |
De toute joie m'est bel, et quant j'oi le Flaihutel soneir avec la tabor, damoiselles et donzel chantent et font grant rivel, chascuns ait chaipel de flour, et verdure et broudelz et li douls chans des oixels me remet en grant badour. Triboudainne, triboudel! Plux seux lies, par Saint-Marcel, que tels ait chaistel ou tour ! |
| III | |
| K i bie(n) broiche lou poutrel. (et) tient lescut en chantel. a comencier de lestor (et) met la lance en estel. por muelz vancre lou sembel. uait asembleir amillour cil doit bien auoir iuel. de belle dame (et) anel. p(er) druerie samor. triboudai(n)ne triboudel. por la belle a chief blondel. ki ait frexe color. |
Ki bien broiche lou poutrel et tient l'escut en chantel a comencier de l'estor, et met la lance en estel, por muelz vancre lou sembel vait asembleir a millour, cil doit bien avoir juel de belle dame et anel per druerie et s'amor. Triboudaine, triboudel por la bele a chief blondel, ki ait frexe la color! |
| IV | |
| T eilz amesce en .i. moncel .M. mairs (et) fait g(ra)nt fardel. ki uit a g(ra)nt deshonor. iai nen aura boen morcel. (et) diauble en ont la pel. cors (et) aime sens retor. por ceu ueul ieu mon mantel. despandre tost (et) inel. en bone uille aseior. triboudai(n)ne triboudel ki ualt auoirs en fardel. son nel despent a honor. |
Teilz amesce en un moncel mil mairs et fait grant fardel ki vit a grant deshonor: jai n'en avra boen morcel et diauble en ont la pel, cors et aime sens retor. Por ceu veul jeu mon mantel despandre tost et inel en bonne ville a sejor, triboudainne, triboudel k'i valt avoirs en fardel, s'on nel despent a honor? |
| V | |
| Q (ua)nt ie la tieng ou praiel. tout entor clos draibexelz. en esteit ala uerdour. (et) iaioies (et) gaistel. pouxo(n)s tairtes et porcel. buef ala uerde sauor. (et) iai lou uin en tonel. froit (et) fort (et) frian - del. por boiure ala grant chalor. muels mi ain ken .i. baitel en la meir en g(ra)nt poour. triboudai(n)ne triboudel plux ain le ieu de praiel ke faire maluaix seior. |
Quant je la tieng ou praiel tout entor clos draibexels en esteit a la verdour et j'ai oies et gaistel, pouxons, tairtes et porcel, buef a la verde savor, et j'ai lou vin en tonel, froit et fort et frinadel, por boivre a la grant chalor, muels m'i aim k'en un baitel en la mer en grant poour. Triboudainne, triboudel! Plux ain le jeu de praiel ke faire malvaix sejor. |