|
|
I |
|
BJen quídai uíure sans am(our) de sore empais tout mon ae. mais retrait ma en la folour. mes cuers dont lauoie eskape. empris ai gre - nour folie. ke li faus enfes ki krie. pour labele estoile auoír. ki uoit haut (et) cler seoír. |
Bien quidai vivre sans amour, desore em pais tout mon aé, mais retrait m'a en la folour mes cuers dont l'avoie eskapé, empris ai grenour folie ke li faus enfes ki krie pour la bele estoile avoir ki voit haut et cler seoir. |
| II | |
|
Coument ke ie me desespoir. b(ie)n ma am(our)s gueredoune. ce ke ie lai a - mon pooir. serui sans desloiaute. ki ioie mafait de folie. si segart b(ie)n ke sifie. ke si haut don set merir. ceus quí seruent sans trair. |
Coument ke je me desespoir, bien m'a Amours gueredouné ce ke je l'ai a mon pooir servi, sans desloiauté, ki joie m'a fait de folie, si se gart bien ke s'i fie, ke si haut don set merir ceus qui servent sans traïr. |
| III | |
|
Nest pas meruelles se maír. uers amour ki tant ma greue. dieus kar la peuse tenír un seul iour. amauo - lente. el (con)peroit sa folie. si me faice dieus aie. amorir li (con)uenroit. sema - dame ne uaínkoit. |
N'est pas mervelles se m'aïr vers amour ki tant m'a grevé, Dieus kar le peuse tenir un seul jour a ma volenté! El comperoit sa folie si me faice Dieus aïe! A morir li convenroit se ma dame ne vainkoit. |
| IV | |
|
Afrans chuers ki tant (con)uoit ne bee amafolete. b(ie)n saí ken uous a - mer nai droit. samour ne míeust doune. mais esforcier fait folie. si (con)fait nes quí uens guíe. ki uala ou uens lempaínt. ke toute esmíe (et) fraínt. |
A frans chuers ki tant convoit ne bee a ma foleté! Bien sai k'en vous amer n'ai droit s'Amour ne m'i eüst douné, mais esforcier fait folie, si com fait nés qui vens guie ki va la ou vens l'empaint ke toute esmie et fraint. |
| V | |
|
Ma dame ounus bie(n)s ne soufrai(n)t. merci pour francise (et) pour gre. puís ken uous sont tout mal estai(n)t. (et) tout b(ie)n adroit alume. connísies donkes la folie. kamer ki metaut lame unen doi faire clamour sau - uons de madolour. |
Ma dame, ou nus biens ne soufraint, merci pour francise et pour gré! Puis k'en vous sont tout mal estaint et tout bien a droit alumé, connisiés donkes la folie k'amer ki me taut la vie u n'en doi faire clamour sauvons de ma dolour. |