| I | |
| Lou samedi asoir fat la semainne. gaiete. et oriour serors germainne main et main uont bagnier a la fon tainne. uante lore. et li raimme crollet. ki santraimmet soweit dorment |
Lou samedi a soir fat la semainne. Gaiete et Oriour, serors germainne, main et main vont bagnier a la fontainne. Vante l'ore et li raimme crollet, ki s'antraimmet soweit dorment. |
| II | |
| Qant aures orriour de lague prise reua toi an arriere bien seis la ville. ie remainra gerant ke bien me priset uante lore. et la raimme crollet. ki sautraimme soweif dorment |
L'anfes Gerairs revient de la cuitainne. S'ait chosit Orior sor la fontainne, antre ces bras lait pris, soueif la strainte. Vante l'ore et la raimme crollet, ki s'antraime soueif dorment. |
| III | |
| Or san uat orious stinte et marrie. des euls san uat plorant de cuer sospire. cant gaiete sa suer nan moinet mie uante lore. et li raimme crollet ki sau traimmet soweif dorment |
«Qant aures, Orriour, de l'ague prise, reva toi an arriere, bien seis la ville; ie remainra Gerant, ke bien me priset.» Vante l'ore et la raimme crollet, ki s'autraimme soweif dorment. |
| IV | |
| Laise fait oriour com mar fuj nee. ia laxiet ma serour an la uallee. lanfes gerairs lanmoine an sa contree. uante lore et la raimme crollet. ki santraimmet soweis dorment |
Or s'an vat Orious stinte et marrie, des euls s'an vat plorant, de cuer sospire, cant Gaiete sa suer n'an moinet mie. Vante l'ore et li raimme crollet, ki sau traimmet soweif dorment. |
| V | |
| Lanfes gerairs et gaie san sont torneit lor droit chemin ont pris uers sa citeit. tantost com il i vint lait espouseit. vante lore. et la raimme crollet. ki |
«Laise,» fait Oriour «com mar fuj nee! Ia laxiet ma serour an la vallee, l'anfes Gerairs l'anmoine an sa contree.» Vante l'ore et la raimme crollet. ki s'antraimmet soweis dorment. |
| VI | |
| Lanfes gerairs reuient de la cuitainne. sait chosit orior sor la fontainne. antre ces bras lait pris soueif la strain te. vante lore. et la raimme crollet. ki santraime soueif dorment. |
L'anfes Gerairs et Gaie s'an sont torneit, lor droit chemin ont pris vers sa citeit. Tantost com il i vint lait espouseit. Vante lore et la raimme crollet. ki [s'antraimmet soweis dorment.] |