 |
A L resplan la flor en uersa.
Pels trenchanz rancs e pels tertres. Q a flors gels neus e conglapis. Q e cotz e destrui e trencha. D on uei mortz qils criz blais ciscle. E l foil els rams els giscles. M ais mi ten uert e iausen iois. E r qan uei secs los dolenz crois. |
 |
C ar en aisi o en uerse. Q e bel plan me semblon tertre. E tenc per flor conglapi. E l chautz me uis qel freg trenca. E l tron mi son chant e ciscle. E pairom follat li giscle. S im soi lasatz e ferm en ioi. Q e ren non uei qem sia cloi. |
  |
M as una gen fada en uersa. Q em sem blon noirit en tertres. Q em fan trop pietz qel conglapis. Q uns qei sap sa lengua trenca. E mparaulas e ab ciscles. E noi ual baston ni giscles. N i menazas anz lur es iois. Q am fan ço don hom los clam crois. |
 |
C ar en baisan nous en uerse. N on me tollon ual ni tertre. D onna ni gels ni co(n)glapi. M as non poder trop en trencha. D onna per cui cant e ciscle. U ostre bels uoilh mi son giscle. Q em castion sil cor ab iois. Q eu non aus auer talan crois. |
 |
A nat ai com chaus en uersa. T otz temps cercan uals e tertres. M arritz com hom cui conglapis. D estreing e mazel e trencha. Q anc non conqes chanz ni ciscles. P lus qel fel clerc con qer giscles. M as ar dieu lau mal berga iois. M al grat dels fals lausengiers crois. |
 |
A N mos uers chaisi en uerse. E nol tengnon ual ni tertres. L ai on hom non sen conglapi. N ia frez poder qen trencha. A midonz locant el ciscle. C lar qinz el cor lintrol giscle. Ç el qe sap gen chantar ab iois. Q ar nos fai a chantador crois. |
  |
D olza donna a mors e iois. N os ten en sems malgrat dels crois.
|
 |
I oglar gran ren ai men de ioi. Q an non us uei en faz semblan croi. |