| I | |
| Li granz desirs et la douce pensee. que iai por vos dame qui valez tant. dont la paine ne puet estre celee. ou mauez mis et tenu longuemant. encor tenez mon cuer en tel tormant. dont ia nistrai nul jor de mon vi- uant. se par vos non douce dame honoree. |
Li granz desirs et la douce pensée que j'ai por vos, dame qui valez tant, dont la paine ne puet estre celée où m'avez mis et tenu longuemant encor tenez mon cuer en tel tormant dont ja n'istrai nul jor de mon vivant se par vos non douce dame honorée. |
| II | |
| Li granz desirs et la paine magree. a sou- frir tant. de fin cuer bonemant. que par vos miert tote ioie donee. douce dame qui tant estes plaisant. et sachiez bien ma deme a ensciant. se de vos nai aucun alegemant. ie ne sai mais ou merciz soit trouee. |
Li granz desirs et la paine m'agrée a soufrir tant de fin cuer bonemant que par vos m'iert tote joie donée; douce dame qui tant estes plaisant et sachiez bien, ma deme a ensciant, se de vos n'ai aucun alegemant, je ne sai mai ou merciz soit trovée. |
| III | |
| Et sanz merci (com)ment iert enduree. si granz dolors par moi tant longement. se par vos est pitiez entroubliee. douce dame a cui mes cuers satent. mon cors perdrai. et ma vie ensement. et sachiez bien dame cer- teinement. si en seroiz de fins amans blas- mee. |
Et sanz merci comment iert endurée si granz dolors par moi tant longement se par vos est pitiez entroubliée; douce dame, a cui mes cuers s'atent, mon cors perdrai et ma vie ensement et sachiez bien dame certeinement si en seroiz de fins amans blasmée. |
| IV | |
| Douce dame car soiez remembree. de la painne que suefrent fin amant. tant que par vos me soit guerredonee. cele que iai souferte. et toz iors sant. car onques noi voloir ne hardimant. ne ia naurai se dieu plaist le poissant. que par moi soit loial a- mor ghilee. |
Douce dame, car soiez remembrée, de la painne que suefrent fin amant tant que par vos me soit guerredonée cele que j'ai souferte, et toz jors sant, car onques n'oi voloir ne hardimant; ne ja n'aurai se dieu plaist le poissant que par moi soi loial amor ghilée. |
| V | |
| Ia enuers vos niert par moi porpensee. desloiaute douce dame auenant. et qua(n)t auroiz seue et esprouee. la bone foi quai del cuer en(co)uant. lors porroiz vous sanz blasme de la gant. et au maugre de felon mesdisant. faire de moi ami (com) bien amee. |
Ja envers vos n'iert par moi porpensée desloiauté, douce dame avenant, et quant auroiz seue et esprovée la bone foi qu'ai del cuer en covant, lors porroiz vous sanz blasme de la gant et au maugre de felon mesdisant faire de moi ami com bien amée. |
| VI | |
| Douce dame del tout a vos me rent. aiez pitie de moi sil vos agree. |
Douce dame, del tout a vos me rent; aiez pitié de moi s'il vos agrée. |